Primeiru-Ministru, Taur Matan Ruak, prezide Reuniaun Konsellu Ministru Estraordinária iha CCD, sábadu (28/03). Imajen Tatoli/Egas Cristovão

DILI, 28 marsu 2020 (TATOLI) – Governu liuhosi reuniaun Konsellu Ministru Estraordinária iha sábadu ne’e, aprova Dekretu Governu kona-ba Medida Ezekusaun no Deklarasaun Estadu Emerjénsia, ne’ebé efetuada hosi Dekretu Prezidente Repúblika númeru 29/2020, loron 27 marsu, ne’ebé sei halo regulasaun ka ezekusaun  ba Estadu Emerjénsia tanba COVID-19.

Desizaun ne’e hasai, hafoin reuniaun ezekutivu durante besik oras neen nia laran, hahú tuku 9 dader to’o 4 lorokraik iha Sentru Konvensaun Dili (CCD, sigla portugés).

Tuir mai, medida ne’ebé sai husi desizaun ezekutivu sira.

Dekretu Governu ne’e, kompostu husi kapítulu 8 no artigu 33.

Kapítulu I, Dispozisaun Jerál: kapítulu ne’e iha artigu 5, ko’alia kona-ba dispozisaun jerál, objetivu, ámbitu ba aplikasaun territorial, prinsípiu no legalidade, prinsípiu ba igualdade no prinsípiu ba proporsionalidade

Kapítulu II Sirkulasaun Internasionál: Kapítulu ne’e iha artigu 7, ko’alia kona-ba proibisaun entrada estranjeiru sira iha territóriu nasionál, autorizasaun esesionál ba entrada estranjeiru iha territóriu, mas ho permisaun Primeiru-Ministru nian, estranjeiru responsavel sira ba transporte ou liberasaun ba merkadoria importada, kontrolu sanitáriu ba entrada no saida territóriu nasionál, proibisaun embarque, ijolamentu terapéutiku obrigatóriu.

Kapítulu III Sirkulasaun iha Territóriu Nasionál no Fiksasaun Rezidénsia:  Kapítulu ne’e iha artigu 4, ko’alia kona-ba ijolamentu obrigatóriu no durasaun ba períodu konfinamentu(sulan) obrigatóriu, ijolamentu voluntáriu no konfinamentu voluntáriu, regras ba distansiamentu sosiál liuhosi via públika mínimu metru ida.

Kapítulu IV Reuniaun no Manifestaun: Kapítulu ne’e iha artigu 2, ko’alia kona-ba proibisaun halo reuniaun no manifestasaun sira labele liu ema na’in 5, no proibisaun ba sosiál, kultural, no desportiva sira.

Kapítulu V Atividade Koletiva kultu ka Relijiaun: Kapítulu ne’e iha artigu 2, ko’alia kona-ba proibisaun eventu relijioza no realizasaun fúnebre liuliu ho kondisaun SARS-cov2 labele liu ema na’in 10.

Kapítulu VI Direitu ba Inisiativa Ekonómika Privada: Kapítulu ne’e iha artigu 4, ko’alia kona-ba direitu ba inisiativa ekonómika privada, suspensaun ba atividade sira transporte koletivu no pasajeiru sira, regras ba asesu estabelesimentu komersial sira no prestasaun serbisu, ne’ebé indivídu sira wainhira tama instalasaun komersial, obrigatóriu uza maskra, fase liman no halo distánsia metru ida, kona-ba merkadu tradisionál dispostu ho artigu anterior no halo adaptasaun ba locais ne’ebé merkadu funsiona no ba Vendedor ambulantes no respetivu kliente obrigadu dispostu ba distánsia sosiál.

Kapítulu VII Administrasaun Públika: Kapítulu ne’e iha artigu 3, ko’alia kona-ba funsionamentu serbisu prestasaun no atividade profisionál ba rekursu umanu no administrasaun públika, serbisu públiku esensiál sira no asesu ba instalasaun ne’ebé s funsiona serbisu.

Kapítulu VIII Definisaun Finál:  Kapítulu ne’e iha artigu 6, ko’alia kona-ba; suspensaun ba atividades letivas, iha rejime Prezensial no Enseramentu ba Instalasaun Estabelesimentu Edukasaun, Ensinu superior no Formasaun profisionál, lisensa no autorizasaun, Forsa no Serbisu Seguransa, Ajente Protesaun Sivíl no Inspetor ba Autoridade Seguransa Alimentar no Ekonómika, dever jerál no kooperasaun, termu ba vijénsia no entrada iha vigor.

Dekretu Governu ne’e sei publika imediatamente iha jornal da Repúblika menus dentru 24 oras, hafoin nia aprovasaun Governu.

@Ekipa Redasaun

HAKEREK NO HATÁN

Please enter your comment!
Please enter your name here