Primeiru-Ministru, Taur Matan Ruak, prezide Reuniaun Konsellu Ministru iha CCD. Imajen Tatoli/Egas Cristovão

DILI, 28 marsu 2020 (TATOLI)-Governu liuhosi reuniaun Konsellu Ministru extraordináriu sabadu (28/03/2020), diskute pontu importante haat hodi halo prevensaun ba coronavirus ka COVID-19 iha Timor-Leste.

Vise Ministra Kuidadu Saúde Primária, Élia dos Reis Amaral hateten pontu dahuluk hosi diskusaun ne’e maka atu fó atensaun másimu ba prevensaun COVID-19.

Pontu daruak, maka kontrolu kona-ba risku ba ema, vijilánsia epidemolojia sira atu prevene sira-nia an durante fó atendementu ba Coronavirus.

No datoluk, maka halo observasaun no avaliasaun ba servisu ekipa task force kompostu hosi liña ministeriál hodi kombate pandemia mundiál COVID-19.

“Dahaat mak hanesan diagnóstiku laboratóriu nian.Pontus haat ne’e mak tama iha planu kontesensias nasionál nian ne’ebé mak haree liuba área saúde nian,”informa Vise Ministra ba Jornalista sira hafoin reuniaun KM, iha Sentru Konvensaun Dili (CCD-sigla portugés), sabadu (28/03/2020).

Jornalista : Felicidade Ximenes

Editór       : Agapito dos Santos

HAKEREK NO HATÁN

Please enter your comment!
Please enter your name here