Vise-Ministra ba Kuidadu Saúde Primáriu, Élia António de Araújo dos Reis Amaral. Imajen/Egas Cristovão

DILI, 28 marsu 2020 (TATOLI) – Iha enkontru Konsellu Ministru Extraordinária sábadu ne’e, aprova ona alterasaun dahuluk Dekretu-Lei kona-ba unidade saúde privada sira.

Ministra Saúde ein ezersísiu, Élia António de Araújo dos Reis Amaral, aprezenta  projetu Dekretu-Lei, ne’ebé hetan aprovasaun husi Konsellu Ministru, kona-ba alterasaun dahuluk ba Dekretu-Lei númeru 18/2004, loron 23 novembru, kona-ba unidade saúde privada sira.

“Dekretu-Lei ne’e maka sei regula kondisaun lisensiamentu, funsionamentu no fiskalizasaun husi unidade saúde sira, no aprova iha konteksu ekonómiku, sosiál no kultura ne’ebé desde uluk, sofre alterasaun ne’ebé boot”, refere nota ne’ebé Agência Tatoli asesu, sábadu ne’e.

Forma alterasaun ne’e, hanesan rekezitu ne’ebé halo revizaun ba tékniku ne’ebé presiza hodi bele fó lisensa.

Diploma ne’e, sei adopta naran no konseitu klaru liu ba rejime jurídiku né’ebé regula aktividade ne’e, no mós fó posibilidade ba poli-klínika sira hotu ho servisu saúde atubele simu ema atu hetan internamentu.

Nune’e, liuhosi meiu ne’e bele responde ba nesesidade no aumenta produtu husi setór privadu iha área saúde nian, ho tempu ne’ebé hanesan mós atu hamenus presaun husi servisu nasionál saúde nian, hatan ba preokupasaun husi investidór estranjeiru sira no fó dalan atu Estadu hamenus despeza sira ho asisténsia médika iha rai-li’ur.

Funsionamentu husi unidade privada saúde, depende ba intensaun lisensa ne’ebé konsedida husi Sekretáriu Permanente iha termu prezente diploma, ne’ebé fiksa tipu servisu, respetiva espesialidade no kondisionalizmu espesífiku.

Jornalista: Florencio Miranda Ximenes

Editora: Julia Chatarina

HAKEREK NO HATÁN

Please enter your comment!
Please enter your name here