D’City Hotel Dili.

DÍLI, 28 março 2020 (TATOLI)–Responsavel administrasaun ba D’City Hotel iha Vila Verde, Oktavia Ku, hateten unidade oteleira ne’e fó diskuntu ba Governu bainhira halo kuarentena ba taballadór timoroan sira ne’ebé foin fila husi Austrália.

Oktavia Ku dehan Governo liuhusi Ministério Saúde husu atu kada kuartu ho presu dólar 35. Enkuantu, presu normal ba kuartu sira mak dólar husi dólar 58 to’o 68.

Responsavel administrasaun the Dcyti Hotel, Oktavia Ku.

“Otél D’City fó diskuntu ba Ministériu Saúde, tanba ministério kontaktu hakarak fó ho presu dólar 35. Ami aseita tanba Ministério Saúde dehan baze mak to’o hanesan dólar 35 kada kuartu. Entaun hau konfirma ho ami-nia xefe aseita,” dehan Oktavia Ku, Ajénsia TATOLI iha Vila-Verde, Dili, ohin.

Nia afirma iha situasaun normal folin ba kuartu Duluxe Twin dólar 68 ne’ebé momentu ne’e hatun ba dólar 35, Double Room dólar 68 tun ba 35, Single Room dólar 58 hatún ba dólar 35.

Relasiona ho fornesimentu hahán ba timoroan sira ne’ebé hela iha kuarentena, reponsavel ne’e afirma, Ministériu Saúde mak responsabiliza hanesan matabixu, han meiu dia no kalan.

Aktavia Ku adianta Ministériu Saúde fó ona informasaun ba funsionáriu sira kona-ba traballadór timoroan sei kuarentena iha fatin ne’e.

“Halo kuarentena iha ne’e durante loron 14, entaun ami-nia funsionáriu balun ami fó feriadu ba sira. Maibé iha funsionáriu na’in-neen mak sei kontrola iha ne’e no ami sei kontrola fatin para ema sira kuarentena labele tama mai lobby,” nia dehan.

Kestiona fatin ne’e sai sentru ida ba kuarentena, responsavel ne’e hatán katak sira halo prevensaun hodu uza mascara no fase-liman loro-loron .

“Iha ne’e hotu-hotu uza luvas, máskara, fase-liman loroloron ho dezinfetante. Atu halo komuniksauan ho ema sira kuarentena ami sei la halo tanba parte saúde mak sei halo komunikasaun ho timoroan sira ne’e,” nia afirma.

Daudaun ne’e traballadór timoroan husi Austrália hamutuk 20 mak hela iha kuarentena D’City Hotel.

“Maibé, to’o iha lorokraik ne’e aumenta to’o ema na’in 30 mak hela iha fatin ne’e. Ohin, sira lori ema sira ne’e ba-mai, fatin la iha ona, ne’e mak sira lori mai fahe tan ema na’in 10 mai D’City Hotel ne’e. Husi ema hiarak ne’e, mane hamutuk ema na’in 17 no feto na’in 13,” nia informa.

Jornalista : Nelia Fernandes

Editór       : Cancio Ximenes

HAKEREK NO HATÁN

Please enter your comment!
Please enter your name here