Komandante PNTL Munisípiu Dili, Superintendente Xefe Armando Monteiro. Imajen/Eugénio Pereira

DILI, 28 marsu 2020 (TATOLI)-Ekipa Task Force, iha sabadu (28/03/2020), koloka tan abitante hamutuk ema na’in 59 ba kuarentena iha Otél Novo Horizonte Metiaút, Kristu Rei, no D’City Villa-Verde Dili.

Komandante Polisia Munisípiu Dili, Superintendenti Xefe, Armando Monteiro hateten, ema hirak ne’e foin fila hosi Austrália ho Aviaun Air North iha sabadu dader (28/03/2020).

Notísia Relevante :Abitante 34 Kontinua Hela iha Kuarentena INAP

“Ita fahe ba grupu rua, gupu dahuluk hamutuk 40 koloka iha D’City Vila-Verde no na’in 19 koloka iha ótel Novo Horizonte Metiaút,”dehan, Armando Monteiro ba Agência TATOLI, iha Aeroportu Prezidente Nicolau Lobato Comoro, sabadu (28/03/2020).

Notísia Relevante :Komandante PNTL Munisípiu Dili Esplika Regra Kuarentena ba Timoroan 59

Tanba ne’e nia husu ona ba okupante Kuarentena sira atu evita halibur malu, konsome alkohol hamutuk durante hela iha fatin kuarentena.

“Ita halo uluk identifikasaun molok atu transporta sira ba kuarentena rua ne’e, entaun ita identifika iha par hamutuk 20, sira ne’e ita sei koloka iha D’City Ótel iha Bebora,”tenik tan.

Notísia Relevante :Timor-oan Hamutuk 252 Iha Ona Kuarentena Haat Ne’ebé Estabelese Husi MS

Pasajeiro Air North 59 ne’ebé ohin to’o iha Dili kompostu hosi traballadór 59 no pasajeiru bai-bain na’in tolu.

Pesoál Administrasaun D’City Otél, sira-nia fatin bele akumula ema na’in 20 no tanba iha de’it kuartu 17, kada kuartu bele akumula hosi ema na’in ida to’o na’in rua.

Ikusliu, Diretóra Nasionál Atendimentu Moras, Ministériu Saúde, Josefina Clarinha João,sei buka meiu atu akumula atu koloka tan abitante balun ba iha fatin kuarentena seluk tanba, D’City iha kapasidade ema na’in 30 de’it.

Jornalista : Tomé Amado

Editór       : Agapito dos Santos

HAKEREK NO HATÁN

Please enter your comment!
Please enter your name here