119 gratuita.

DILI, 27 marsu 2020 (TATOLI)-Ministériu Saúde husu ba públiku liuliu komunidade ne’ebé foin fila hosi nasaun afetadu COVID-19 atu telefone diretamente ba númeru 119 bainhira mosu sintoma coronavirus, nune’e bele hetan atendemendu sedu hosi ekipa médiku sira.

Diretóra Jerál Prestasaun Saúde Ministériu Saúde (MS), Odete da Silva Viegas. Imajen Egas Cristovão

Diretóra Jerál Prestasaun Saúde, Odete Viegas da Silva, hateten intervensaun sedu importante atu labele da’et tan ba familía uma laran seluk, viziñu no sosiedade.

”Preokupasaun ne’ebé mak hasoru iha autokarantina nian signifika iha dúvida ruma ho sintoma ne’ebé iha ka la seguru ho fatin autokarantina iha uma bele kontaktu direita ba númeru ne’ebé mak Ministériu Saúde prepara,” informa Diretóra Jerál ne’e ba Jornalista sira iha Palasiu Sinzas, Kaikoli Dili, ohin.

Governu sei kontinua esforsu hodi kria kondisaun iha fatin kuarentena iha Otél no fatin seluk bainhira komunidade ne’ebé iha sintoma COVID-19 atu hela hodi tuir teste.

”Maibé ho esforsu ami trata nafatin posivel ne’ebé mak mai halo dadaun ne’e hodi labele mosu tan moras ne’e iha ita-nia ra’in,”tenik tan.

Jornalista : Felicidade Ximenes

Editór       : Agapito dos Santos

HAKEREK NO HATÁN

Please enter your comment!
Please enter your name here