Profesór/a sira husi Portugal kaer liman ho Ministra Dulce De Jesus Soares bainhira to’o Timor-Leste. Foto: MEJD

DILI, 27 marsu 2020 (TATOLI)-Profesór Portugués Na’in hitu oras ne’e fila ona ba Munisípiu Baucau hafoin mosu disentendimentu hosi komunidade tanba deskonfia sira balun kona coronavirus ka COVID-19.

Iha loron 22 fulan marsu 2020 dader, sira tenke evakua urjente mai Dili tanba komunidade sira iha Munisípiu parte leste ne’e deskonfia profesór na’in ida kona ona pandemia mundiál COVID-19.

Notísia Relevante :Profesór Portuguesa La Kona COVID-19

“Sira na’in hitu (7) rasik deside fila fali ona ba Baucau ita-ninia kompoténsia husu apoiu ba seguransa atu akompaña nafatin sira hodi nune’e bele proteje sira iha situasaun ida ne’e,”katak Ministra Edukasaun Juventude no Desportu (MEJD), Dulce de Jesus Soares ba TATOLI, iha Matadouro, kinta (26/03/2020).

Kona-ba dezentendimentu ne’ebé mosu entre komunidade ho Profesór Portugués sira ne’e, Ministra ne’e garante katak sei hetan solusaun iha tempu badak.

“Ha’u mós fiar se sira desidie hakarak fila-fali ba Baucau signifika sei seguru iha fatin ne’ebé sira hela bá. Maibé ha’u hakarak dehan governu nafatin garante vida ema hotu nian,”tenik Dulce.

Jornalista : Tomé Amado

Editór       : Agapito dos Santos

HAKEREK NO HATÁN

Please enter your comment!
Please enter your name here