Mídia Nasionál sira. Imajen/Espesiál

DILI, 27 marsu 2020 (TATOLI)—Vise-Prezidente Parlamentu Nasionál, Maria Angelina Sarmento Lopez rekoñese, jornalista sira hola-parte iha liña frente hodi fó informasaun kona-ba COVID-19 ne’ebé oras ne’e sai kestaun mundiál.

“Parlamentu Nasionál husu tau atensaun ba jornalista sira tanba serbisu mós iha liña frente atu fó informasaun no atu halo atendimentu ba públiku. Ita boot sira presiza tau atensaun no fó konsiderasaun ba ita boot sira-nia livre sirkulasaun no movimentu,” dehan Vise-Prezidente Parlamentu Nasionál Maria Angelina Sarmento Lopez, ba jornalkista sira iha Resintu Parlamentu Nasionál, sesta ne’e.

Vise-Prezidente Parlamentu Nasionál ne’e espera, Estadu sei fó garantia ba jornalista sira atu livre movimentu no asesu ba informasaun atu-bele publika informasaun ida-ne’ebé kredivel no loos ba públiku.

“Parlamentu Nasionál mós preokupa ho ita boot sira-nia situasaun no ita boot sira-nia dedikasaun atu serbí públiku liuhosi informasaun,” nia dehan.

Tanba ne’e, nia husu ekipa inter ministerial kombate COVID-19 tenke fasilita informasaun ida loloos ba jornalista sira nune’e povu tomak bele asesu informasaun ida ho loloos.

Notísia Relevante: PM Taur Apela Jornalista Kontribui Informasaun Atu Povu Labele Pániku

Jornalista : Evaristo Soares Martins

Editór      : Cancio Ximenes

HAKEREK NO HATÁN

Please enter your comment!
Please enter your name here