Ministra Edukasaun, Juventude no Desportu Dulce de Jesus Soares .Imajen/TATOLI

DILI, 26 marsu 2020 (TATOLI)-Ministra Edukasaun Juventude no Desportu (MEJD), Dulce de Jesus Soares, garante kargu xefia foun hamutuk ema na’in 19 ne’ebé simu ona pose iha kinta (26/03/2020) sei tulun governu hodi dezenvolve instituisaun estadu ne’e.

Kargu Xefia foun sanulu resin-sia ne’e kompostu hosi Diretór Jerál, Diretór Nasionál to’o Koordenadór Unidade sira ho mandatu periodu ida.

“Maior parte dirijenti foun sira ne’e kuaze ema ne’ebé servisu tinan barak ona iha Ministériu Edukasaun, sira hatene duni servisu tanba ne’e mak sira konkore hodi hatudu sira nia kapasidade,”dehan Ministra Dulce ba jornalista sira hafoin remata tomada de pose, iha Salaun Ian Martins, Matadouro.

Governante husu ba emposadu sira atu servisu maka’as hodi dezenvolve instituisaun liliu reforsa kualidade edukasuan iha Timor-Leste.

Jornalista : Tomé Amado

Editór       : Agapito dos Santos

HAKEREK NO HATÁN

Please enter your comment!
Please enter your name here