Atividade iha Portu Dili. Imajen/Egas Cristovão

DILI, 27 marsu 2020 (TATOLI) – Prezidente Konsellu Administrasaun Autoridade Portuáriu Timor-Leste (APORTIL), Flavio Cardoso Neves, informa katak tuir dadus ne’ebé maka iha, kontentór tama fulan-marsu ne’e menus tebes kompara fulan-rua liubá.

“Iha janeiru, kontentór tama kuaze 300 resin  maibé ho situsaun Coronavírus, fronteira sira taka no kontentór ne’ebé tama tun tanba ita haree ba nasaun sira ne’ebé atu importa kontentór sira barak liu mai husi Indonézia,  Singapura no Austrália”, nia dehan ba Agência Tatoli iha Portu Dili, sesta ne’e.

Prezidente APORTIL adianta, ho situasaun Coronavírus maka halo kuaze nasaun barak ninia portu, aeroportu no fronteira taka.

“Ha’u haree ema-nia nasaun sira iha ne’ebá mós halo Lockdown, nebé ida ne’e maka afeta ba sasán tama”, nia akresenta.

Maski ho situasaun Lockdown, maibé kontentór balun sei mai, maibé ninia frekuénsia ne’e maka tun kompara tinan hirak liubá bainhira situasaun sei normál.

“Pur ezemplu, fulan-ida nia bele to’o kontentór 300 resin, agora nian bele tun to’o metade”, nia akresenta

Jornalista: Natalino Costa

Editora: Julia Chatarina

HAKEREK NO HATÁN

Please enter your comment!
Please enter your name here