Prezidente Parlamentu Nasionál, Arão Noé de Jesus Amaral.

DILI, 26 marsu 2020 (TATOLI)—Prezidente Parlamentu Nasionál, Arão de de Jesus, hateten regra ba aplikasaun estadu emerjénsia sei fó-sai hosi Dekretu Governu nian.

Prezidente Repúblika aprezenta pedidu estadu emerjénsia ne’e bazeia ba lei númeru 3/2008 hateten katak parlamentu tenke autoriza pedidu ne’e.

Arão Noé esplika, Prezidente Repúblika nia karta husu Parlamentu Nasionál autoriza komesa iha loron kinta, 26 marsu 2020, madrugada maibé tanba prosesu foin hahú entaun parlamentu adia data vigora ne’e, hahú hosi oras  00:00, loron 29 marsu 2020 to’o oras 23:59, loron 26 abríl 2020.

“Aban (ohin) dadeersan ami foin bele prepara no haruka ba Prezidente Repúblika. Kona-ba limitasaun iha lei númeru 3/2008 ne’ebé regula kona-ba deklarasaun estadu de sítiu no estadu emerjénsia, nia regra sira iha ne’ebá. Atu aplika loron-loron ne’e oinsá ne’e sei liuhosi dekretu Governu,” dehan Prezidente Parlamentu Nasionál, Arão de de Jesus, ba jornalista sira, iha Parlamentu Nasionál, kinta ne’e.

Prezidente Parlamentu Nasionál ne’e esplika, pontu prinsipál sira iha tiha ona iha autorizasaun ne’e no kabe ba governu mak sei halo dekretu para implementa nune’e implementasaun labele sai hosi lei no autorizasaun nia konteúdu.

Nia dehan, konteúdu hosi estadu de sítiu no estadu estadu emerjénsia ne’e kuandu vigora ona sidadaun nia sirkulasaun iha territóriu nasionál sei iha limitasaun maibé governu mak fó-sai.

Lei númeru 3/2008 ho versaun portugés hateten, Restrição dos direitos de manifestação e reunião, salvaguardados os direitos previstos nas alíneas d), e) e f) do n.º 1 do artigo 3.º da Lei n.º 3/2008, de 22 de Fevereiro.

Notísia Relevante: PM Taur: “Prevene COVID-19 Presiza Limita Movimentasaun Populasaun”

Jornalista : Evaristo Soares Martins

Editór      : Cancio Ximenes

HAKEREK NO HATÁN

Please enter your comment!
Please enter your name here