Komandante Jerál PNTL, Komisáriu Faustino da Costa hala’o vizita ba postu Unidade Polísia Fronteira (UPF) iha liña fronteira hodi haree direita kondisaoens no servisu UPF nian Imajen/Mídia PNTL

DILI, 26 marsu 2020 (TATOLI)- Komandu Polísia Nasionál Timor-Leste (PNTL) apresia ho progresu servisu Unidade Polísia Fronteira (UPF) ne’ebé kontinua halo servisu másimu hodi kaer-tan estudante Timoroan na’in 54 ne’ebé halo esforsu tama ilegálmente hosi Indonézia mai Timor-Leste liuhosi fronteira terrestre.

Notísia Relevante : UPF Halo Apreensaun Ba Ema Na’in 20 Tama Ilegál Mai TL

Komandante Jerál PNTL, Komísariu Faustino da Costa. Imajen/Egas Cristovao

Komandante Jerál PNTL, Komisáriu Faustino da Costa, informa, durante sábadu to’o kuarta  (22-25/03/2020), UPF kaer ona estudante Timoroan hamutuk na’in 54 ne’ebé hakur fronteira terrestre ilegálmente.

Estudante Timoroan sira-ne’e UPF kaer iha liña fronteira Bobonaro na’in 25, Covalima na’in 17 no Oe-Cusse nian na’in 12.

Komisáriu Faustino da Costa, ohin, informa ba jornalista iha Parlamentu Nasionál, katak, dadus ne’ebé Komandu PNTL simu hosi Komandante UPF, Superintendente Xefe João Belo dos Reis, katak, estudante sira-ne’e balun fila tanba sira hasoru problema pasaporte no KITAS mate ona. Nune’e obriga sira tenke fila mai Timor-Leste liu dalan ilegál atu trata dokumentu foun.

Estudante sira ne’ebé PNTL kaer, balun UPF haruka ba ekipa COVID-19 hodi teste sira-nia saúde no submente ba kuarentena to’o loron 14.

Notísia Relevante : UPF Apoiu Kolxaun 100 Ba Kuarentena Batugade

Iha parte seluk, PNTL mós identifika estudante na’in tolu ne’ebé tolu ne’ebé tama ilegál liu Covalima daudaun ne’e ekipa COVID-19 haruka sira hela ona provizóriu iha uma kuarentena Munisípiu Manufahi.

Komandante Faustino dehan, parte Komandu orienta nafatin UPF hodi kontrola Timoroan balun ne’ebé fasilita estudante sira-ne’e tama ilegál mai Timor-Leste.

Jornalista : Eugénio Pereira

Editór       : Francisco Simões

HAKEREK NO HATÁN

Please enter your comment!
Please enter your name here