Ilustrasaun Coronavírus. Imajen/bncampinas.com

DILI, 26 marsu 2020 (TATOLI)-Servisu Autónomu medikamentu no Ekipamentu Saúde (SAMES), dadaun ne’e menus ona ekipamentu prevensaun coronavirus ka COVID-19 ne’ebé apoiu hosi Organizasaun Mundiál Saúde (OMS) no Governu Austrália hodi rai iha armazén SAMES Kampung-Alor Dili.

SAMES distribui ona ekipamentu hanesan maskra, luvás, oklu, roupa protesaun, ai-moruk dis-infesaun ba pesoál saúde sira iha Ospitál Nasionál Guido Valadares (HNGV-sigla portugés), Sentru Saúde Vera Cruz  no Sentru Saúde Formosa hodi fó atendementu ba kazu COVID-19.

Notísia Relevante :OMS Apoiu Ekipamentu Prevensaun Coronavirus ba MS

”Ita hotu reza para númeru moras COVID-19  n’ee labele aumenta iha ita-nia ra’in tanba ita-nia ekipamentu menus ona ita atu uza,” informa Diretóra Ezekutiva Interina SAMES,  Emelia de Jesus Alves Mendonça ba TATOLI, iha ninia servisu fatin, kinta (26/03/2020).

Notísia Relevante :SAMES Planu Sosa Ekipamentu Prevene COVID-19

Item 700-resin  maka OMS oferese ona ba Ministériu Saúde maibé oras ne’e falta de’it item 355 maka sei rai iha armazen SAMES.

Notísia Relevante :Xina Entrega Ekipamentu Prevensaun Coronavirus ba TL

”Ami nia esforsu ne’e kontinua halo hodi koopera ho ajénsia internasionál sira maibé nafatin estoke ne’e menus tanba ne’e mak ami husu ita hotu hakmatek para moras ne’e labele aumenta iha ita-nia ra’in,”nia haktuir tan.

Notísia Relevante :Xina Prontu Apoiu TL Kombate Coronavirus

Jornalista : Felicidade Ximenes

Editór       : Agapito dos Santos

HAKEREK NO HATÁN

Please enter your comment!
Please enter your name here