Ekipa PCIC foti hela mate isin ferik ida ne’ebé mate iha área Aldeia Sabraka-Laran, Suku Becora. Imajen/Eugénio Pereira

DILI, 26 marsu 2020 (TATOLI)- Komandu Polísia Nasionál Timor-Leste, kaptura no detein ona suspeitu ida ne’ebé deskonfia oho Jacinta de Jesus (52) iha área Sabraka-Laran, Aldeia Mota-Ulun, Suku Becora, Postu Administrativu Kristu Rei, Munisípiu Dili.

Notísia Relevante : Ema Deskoñesidu “Oho” Ferik Ida iha Becora

Vítima Jacinta de Jesus hosi Postu Administrativu Atsabe, Munisípiu Ermera, durante ne’e, sofre moras mental foin  mak ba hela iha área Merkadu Sabraka-Laran.

Komandante Jerál Polísia Nasionál Timor-Leste (PNTL), Komisáriu Faustino da Costa, informa, daudaun ne’e parte Polísia Sientífiku Investigasaun Kriminál (PCIC) halo hela investigasaun hodi  aprezenta kazu ne’e ba Ministériu Públiku hodi prosesa.

“Ita iha ona ema ida ne’ebé agora daudaun submete ba prosesu investigasaun,” hateten Komisáriu Faustino da Costa, ba jornalista, ohin, iha Komandu Jerál PNTL, Caicoli, Dili.

Faustino dehan, kazu ne’e PCIC rasik rekolla dadus, deskonfia suspeitu lori sasán kro’at hodi baku iha vítima nia-ulun too mate iha fatin.

Kazu ne’e, akontese iha  domingu kalan (22/03/2020), tuku 23:00 Otl, no mate isin lori ba soe besik dalan kloot área Sabraka-Laran, Mota Ulun, Becora.

Notísia Relevante : Ema Deskoñesidu Oho Ferik Ida iha Lauhata

 Jornalista : Eugénio Pereira  

Editór       : Francisco Simões

HAKEREK NO HATÁN

Please enter your comment!
Please enter your name here