Primeiru-Ministru, Taur Matan Ruak, Hamutuk ho Ninia Membru Sira iha Parlamentu Nasionál (PN), Plenaria hodi Diskusaun Kona- ba Estadu Emergensia Relasiona ho Covid-19. Imajen/ Egas Cristovão.

DILI, 26 marsu 2020 (TATOLI)—Parlamentu Nasionál deside a-favór hodi fó autorizasaun ba Prezidente Repúblika hodi dekreta estadu emerjénsia.

Parlamentu Nasionál halo apresiasaun ba pedidu Prezidente Repúblika relativu atutorizasaun hodi deklara estadu emerjénsia iha territóriu nasionál tanba hafoin diskusaun Parlamentu Nasionál maioria a-favór ba pedidu ne’e.

Konsellu Ministru aprova proposta estadu emerjénsia ne’e iha loron segunda, 16 marsu 2020 no Prezidente Repúblika, Francisco Guterres “Lú Olo” aprezenta pedidu autorizasaun ne’e ba Parlamentu Nasionál iha loron tersa, 24 marsu 2020.

Entretantu, iha loron kinta, 26 marsu 2020, ohin, Parlamentu Nasionál halo debate no fó biban ba deputadu ida-idak hodi halo deklarasaun.

Prezidente Parlamentu Nasionál, Arão Noé de Jesus da Costa Amaral hateten, deputadu ida-idak bele espresa kona-ba deklarasaun votu.

“Rezulatdu votasaun afavor 64, kontra 0 abstensaun 0, ho nune’e mensajen Prezidente Repúblika aprova unanimidade iha Parlamentu Nasionál. Estadu Emerjénsia ne’e Estadu Emerjénsia ne’e hahú iha oras 00.00 iha loron 28 fulan marsu tinan 2020 to’o oras 23.59 loron 23 fulan abril tinan 2020,” Prezidente Parlamentu Nasionál, Arão Noé de Jesus da Costa Amaral, anunsia hafoin deputadu sira halo votasaun nominál.

Deputadu FRETILIN, Joaquim dos Santos hateten, nia vota a-favor tanba nia hakarak povu labele mate tanba COVID-19 ne’e.

“Ha’u vota a-favór, atu povu labele mate tanba Coronavirus (COVID-19),” nia dehan.

Deputadu PD, Maria Assanami Sabino vota a-favór tanba di’ak ba estadu.

Notísia Relevante: Pozisaun Xefe Bankada Sira Ba Pedidu Estadu Emerjénsia

Jornalista : Evaristo Soares Martins

Editór     : Cancio Ximenes

HAKEREK NO HATÁN

Please enter your comment!
Please enter your name here