Kuarentena Tibar.Imajen/Cipriano Colo

DILI, 26 marsu 2020 (TATOLI)-Reprezentante okupante iha Kuarentena Tibar, Postu Administrativu Bazartete, Munisípiu Liquiça, Romeio Boromeu, husu ba Ministériu Saúde ho liña ministeriál atu kria kondisaun liliu prepara fasilidade hanesan kolxaun, hahan, ekipa médiku atu fó tratamentu saúde ba sira.

Maske Ministériu Saúde ho liña ministeriál, iha segunda (23/03/2020), lansa ona Kuarentena iha Tibar, ho ninia kapasidade bele akumula ema hamutuk na’in 60.

Notísia Relevante :Kuarentena Tibar Hahú Funsiona

Tanba edifísiu ne’e iha total uma hamutuk hitu, uma rua iha kuartu tolu, uma lima iha kuartu rua kompleta mós tenda haat.

Notísia Relevante : Ema Na’in 102 Kuarentena Iha Novo Horizonte

“Ami atu tama iha fatin kuarentena atu mai tau ami iha fatin ne’ebé di’ak, ami iha moras ruma karik labele hada’et ba ema seluk, maibé realidade ami to’o iha ne’e laiha ema ida mak tau matan mai ami, sira lori ami mai soe hela to’o agora ami la matabisu,” preokupa, Romeio Boromeu ba TATOLI, iha Tibar kinta (26/03/2020).

Notísia Relevante : MS Hahú Instala Kuartu 300 iha Kuarentena Batugade

Nia ho estudante no sidadaun hamutuk ema na’in 34 maka iha kuarta (25/03/2020) tenke tama Kuarentena Tibar hafoin fila hosi Indonézia liuhosi Fronteira Terrestre Motain, Munisípiu Bobonaro.

Notísia Relevante : UPF Apoiu Kolxaun 100 Ba Kuarentena Batugade

Durante hela iha Kuarentena nota laiha ekipa médiku ne’ebé destaka atu fó atendementu ba sira, falta bee moos, fornesimentu hahan tarde, falta toba fatin, laiha espasu atu toba no problema seluk tan tanba ne’e maka sira balun tenke toba iha meza leten.

Notísia Relevante : Governu Finansia Ótel Ne’ebé Utiliza Sai Fatin Kuarentena

Jornalista : Hortencio Sanchez

Editór       : Agapito dos Santos

HAKEREK NO HATÁN

Please enter your comment!
Please enter your name here