Deputado iha Uma Fukun Parlamentu Nasionál. Imajen/Egas Cristovao

DILI, 26 marsu 2020 (TATOLI)—Reprezentante Povu sira sei halo votasaun nominál  molok aprova lei hodi fó autorizasaun ba Prezidente Repúblika dekreta estadu emerjénsia.

Tuir Rejimentu Parlamentu Nasionál artigu 71.º (Votação nominal), alínea 1 (a) esplika, autorizasaun deklarasaun estadu desítiu no estadu emerjénsia.

Alíneia Daruak hosi artigu 71 ne’e hateten sobre quaisquer outros assuntos haverá votação nominal, quando o Plenário assim o delibere, a requerimento de dez Deputados.

Purtantu artigu 71.º (Votasaun nominál), alínea 3 hateten a votação nominal faz-se por ordem alfabética dos partidos políticos com assento no Parlamento.

“Votasaun nominál  ne’e sei bolu kada deputadu, nia a-afavór, vota kontra ka vota abstensaun. Depois nia espresa nia hanoin, ha’u vota a-favór tanba saida? Ezemplu ha’u kontra a-favór tanba governu esplika klaru, ha’u vota a-favór tanba xave tiha moras ida-ne’e, ne’e la’ós ami atu foti kartaun,” Deputadu Bankada CNRT no Prezidente Komisaun A (trata asuntu Justisa no Konstitusionál), Carmelita Caetano Moniz, esplika ba Agência TATOLI, iha resintu Parlamentu Nasionál, kinta ne’e.

Prezidente Komisaun A ne’e hateten, votasaun nominal ne’e tuir orden alfabétika partidu polítiku sira-nia ho asentu iha Parlamentu Nasionál.

“Votasaun hotu tiha, ami sei aprova mós lei atu autoriza Prezidente Repúblika deklara estadu emerjénsia,” informa Deputada Carmelita Caetano Moniz.

Notísia Relevante: Presiza Haree Didi’ak Molok Implementa Estadu Emerjénsia

Jornalista : Evaristo Soares Martins

Editór : Cancio Ximenes

1 KOMENTÁRIU

  1. Lee nain sira, karik balu hatene konteudu husi estadu emerjensia nee maka saida. saida maka sidadaun bele halo no saida maka labele halo? ida nee bele gia ema hodi kumpri no iha parte seluk atividade seluk ligadu ho ekonomiku. imi ajuda, obrigado wain.

HAKEREK NO HATÁN

Please enter your comment!
Please enter your name here