Hakerek nain, Guy Ryder Diretór Jerál, ILO

Nasaun barak maka aplika ona pakote estimulu balun hodi proteje sira nia sosiedade no ekonomia no mós garante kontinuasaun sirkulasaun osan ba traballadór no mós empreza.

Hosi:

Guy Ryder

Diretór Jerál, Organizasaun Internasionál ba Traballadór (ILO, sigla inglés)

Dimensia umana ba pandemia COVID-19 la’ós de’it responde ba saúde ne’ebé krítiku. Aspetu hotu-hotu ba futuru sei afeita – ekonomia, sosiál no dezenvolvimentu. Ita tenke responde ho urjénsia, koordena iha nivel mundiál no mós imediatamente fó suporta ba sira ne’ebé presiza liu.

Hosi servisu fatin to’o ba empreza sira, ekonomia nasionál no globál, atu bele responde ba ida ne’e presiza liu hosi diálogu sosiál entre governu no sira ne’ebé servisu iha liña dahuluk hanesan empregadór sira no traballadór sira. Atu nune’e 2020 la repete saida maka akontese iha 1930.

Estimasaun ILO katak maizumenus ema milliaun 25 bele sai dezempregu ka lakon sira nia servisu, ida ne’e sei rejulta halakon rendimentu ho montante triliun $3.4. Maibé ita komesa haree katak estimasaun númeru ida ne’e ladún refleta impaktu ne’ebé iha ona.

Pandemia ida ne’e hatudu erru boot iha merkadu traballu. Empreza iha nivel hotu-hotu hapara operasaun, hamenus oras servisu no mós hapara kontratu servisu. Barak maka laran moras no triste ba dezastre ida ne’e hodi taka loja no restaurante sira, kansela viajen ho aviaun, kansela otél sira ne’ebé rezerva ona no mós muda negósiu hodi servisu remotas de’it. Dala-barak hirak ne’ebé lakon sira nia servisu uluk maka sira ne’ebé nia servisu laiha garantia ka vulneravel hanesan resepsionista, waiters, ema ne’ebé servisu iha dapur ka tein, sira ne’ebé servisu iha aeroportu no toma konta ba bagazen no mós cleaner ka hamos rai.

Globalmente iha ne’ebé ema ida de’it hosi nain lima maka elijivel ba benefisiu dezempregu, demisaun sai hanesan dezastre boot ba família hamutuk kuaze millaun. Pensaun, tanba moras la iha ba kareira no servisu barak, sira ne’ebé ita barak mak depende ba, dala barak sira servisu ho presaun maske iha kondisaun moras. Iha nasaun sira ne’ebé sei dezenvolve, traballdór sira ne’ebé hetan osan bazeia ba saida maka sira prodús, sira ne’ebé hetan selu iha kada loron, komersiante informál sira, hetan mós presaun oinsá sira bele fornese hahán ba nia família. Ita hotu-hotu sei sofre, tanba pandemia ida ne’e. Ida ne’e sei la aumenta de’it virus ne’ebé hadaet maibé iha longo prazu dramatikamente fó implikasaun ba siklu pobreza no desigualidade.

Ita iha oportunidade hodi salva millaun servisu no empreza, se bainhira governu foti asaun konkretu hodi garante kontinuasaun servisu, prevene ema hodi lakon servisu no mós proteje traballadór sira ne’ebé vulneravel. Klaru katak desizaun ne’ebé sira foti ohin loron sei determina saúde ba ita nia sosiedade no mós ekonomia iha futuru.

Polítika fiskál no monetária espansionista importante tebes hodi prevene krize agora hodi rezulta resesaun ba tempu naruk. Ita tenke garante katak ema iha osan natoon hodi bele uza durante semana ida – no ba semana tuir mai. Ida ne’e signifika garante katak emprezáriu ka organizasaun – ne’ebé sai nu’udar fonte rendimentu ba traballadór millaun hodi mantein nafatin iha tempu krize ida ne’e, no mós prontu hodi halao operasaun fila-fali bainhira kondisaun permite. Partikularmente, sei presiza medida ida ne’ebé espesífiku ba traballadór sira ne’ebé vulneravel, inklui sira ne’ebé ‘self-employed’, ‘part-time’ no mós sira ne’ebé ho kontratu temporáriu, ne’ebé karik la elijivel ba pensaun no ‘health insurance’ no mós sira ne’ebé susar atu liga ka hasoru.

Enkuantu governu koko hodi redus númeru infeksaun, ita presiza medida espesiál hodi proteje professionál saúde no médiku sira (barak maka feto) ida ne’ebé fó risku ba sira nia moris hodi koko salva ita loro-loron. Tenke fó protesaun adekuadu ba kondutór no marineiru sira ne’ebé transporta ekipamentu médiku no mós akipamentu importante sira seluk. Servisu iha uma fó oportunidade ba traballadór sira hodi kontinua servisu no mós empregadór hodi kontinua sira nia negósiu ka atividade durante krize. Maibé, traballadór sira tenke negósia hodi nune’e sira bele mantein balansu entre servisu ho responsabilidade sira seluk hanesan tau matan ba labarik, tau matan ba sira ne’ebé moras ka idozu sira no mós sira nia-án.

Nasaun barak maka aplika ona pakote estimulu balun hodi proteje sira nia sosiedade no ekonomia no mós garante kontinuasaun sirkulasaun osan ba traballadór no mós empreza. Hodi bele halo ida ne’e efetivu liu tan, presiza governu hodi servisu hamutuk ho emprezáriu, organizasaun no sindikatu traballadór hodi bele buka solusaun efetivu, no garante seguransa ba komunidade nune’e mós proteje servisu.

Medida hirak ne’e inklui suporta rendimentu, saláriu subsidiáriu no mós fundu ba pensaun temporáriu ba sira ne’ebé halao servisu ho kontratu formál, kreditu taxa ba emprezáriu sira no mós suporta finanseiru ba sira ne’ebé hala’o negósiu.

Alende medida domestika ida ne’ebé forte, asaun multilaterál sai nu’udar fundamentu ba responde globál ba pandemia ida ne’e. Simeira Estra-ordináriu G20 kona-ba COVID-19 ne’ebé halao virtualmente de’it, iha loron 26 fulan-marsu nu’udar oportunidade hodi kontinua koordenasaun resposta ida ne’e hodi la’o nafatin.

Iha tempu difísil ida ne’e, ha’u hanoin fila prinsípiu ne’ebé tau iha Konstituisaun ILO katak: Pobreza iha ne’ebé de’it kontinua sai hanesan ameasa ba prospriedade iha fatin hotu-hotu. Ida ne’e fó hanoin ita katak, iha tinan hirak tuir mai, efetividade hosi ita nia resposta ba dezastre ida ne’e sei julga, la’ós de’it hosi eskala no velosidade injesaun orsamentu, ka númeru rekuperasaun uitoan ka barak, maibé liu hosi saida maka ita halo ba grupu vulneravel sira. (*)

 

HAKEREK NO HATÁN

Please enter your comment!
Please enter your name here