Edifisiu Tribunál Rekursu. Imajen/Espesiál

DILI, 25 marsu 2020 (TATOLI) – Tribunál Konta (TC-sigla portugés) liuhosi Juis Konselleiru Deolindo dos Santos,  ohin, deside  halo alterasaun ba rekerimentu kona-ba kazu halakon osan estadu iha Ministériu Agrikultura no Peska (MAP).

Notísia Relevante : Kazu Osan Lakon iha MAP, Defeza Husu Tribunal Kontas Absolve Akuzadu Na’in Tolu

Kazu ne’e envolve demandadu (terdakwa) na’in tolu ho inisiál LFM, MM ho JM. Nune’e, Defeza Germano Ramos ne’ebé fó asisténsia legal indorma, razaun tribunál halo alterasaun ba rekerimentu ne’ebé Ministériu Públiku aprezenta mai iha tribunál ne’ebé mak kontesta hosi parte defeza katak iha faktu balun ne’ebé iha rekerimentu laiha. Maibé parte defeza mak aprezenta fila-fali faktu sira ne’ebé mak foun.

“Ho razaun hirak ne’e  TC presiza atu pondera didi’ak desizaun sira-ne’e nune’e fó prazu loron lima ba Ministériu Públiku no Defeza atu fó opozisaun ba despaxu kona-ba alterasaun ba rekerimentu refere,” hateten Germano Ramos ba Jornalista, ohin, Tribunál Rekursu, Caicoli, Dili.

Tuir loloos prosesu ne’e, ohin, TC pronunsia ona akórdaun finál leitura sentensa ba demandadu sira, maibé la konsege tanba juis konselleiru halo fali alterasaun ba rekerimentu tuir artigu 131 to’o ba iha artigu 136 iha kódigu penal Timor-Leste, ho nune’e, tribunal fó prazu loron lima ba parte Ministériu Públiku ho Defeza atu fó sira-nia opozisaun ba alterasaun refere.

Hafoin Tribunál rona tiha parte sira mak tribunál sei deside fali loron pronunsia leitura sentensa.

Audiénsia ne’e prezide hosi Juis Konselleiru Deolindo dos Santos, Ministériu Públiku reprezenta hosi Prokuradór Pascacio de Roza Alves no demandadu sira ho inisiál  LFM, MM ho JM hetan asisténsia legál hosi Defensór Públiku no advogadu privadu.

Notísia Relevante : Tribunal Kontas La Konsege Foti Desizaun Final ba Rezultadu Auditoria Husi MAP

Jornalista : Nelson de Sousa

Editór       : Francisco Simões

 

HAKEREK NO HATÁN

Please enter your comment!
Please enter your name here