Trabailadores sira husi Australia nebe mai ho aviaun airnorth wainhita to iha aeroportu Nicolao Lobato,Karta 25 Marsu 2020.Imajen/Antonio Goncalves

DILI, 25 marsu 2020 (TATOLI)-Timoroan hamutuk ema na’in 34 ne’ebé kuarta (25/03/2020) fila hosi Austrália tenke bá hela iha edifísiu Institutu Nasionál Administrasaun Públika (INAP) Comoro hodi kumpre desizaun Governu liuhosi Ministériu Saúde (MS), tenke kuarentena durante loron 14.

Timoroan 34 ne’e mane 18 no feto 16 fila hosi Austrália ho Aviaun Air North mazumenus tuku 11:40 Oras Timor Leste.

Notísia Relevante :Timoroan 34 Fila Hosi Austrália Laiha Sintoma COVID-19

Edifisiu INAP: Imajen/Cipriano Colo

Ministériu Saúde koloka ema hirak ne’e bá iha Edifísiu INAP mazumenus tuku 02:45, tanba iha kuartu hamutuk 20 kompleta ho ekipamentu sufisiente hanesan toba fatin, bee moos, air conditioner ka AC no seluk tan.  No kada kuartu akumula ema na’in rua.

Diretóra Nasionál Kontrolu Moras, Ministériu Saúde, Josefina Clarinha João, hateten Ministériu Saúde estabelese tan kuarentena iha INAP tanba dadaun ne’e laiha ona espasu iha Otél Novo Horizonte Metiaút, Otél Audian, no Tibar Munisípiu Liquiça atu koloka tan ema.

Prosesu atendimentu hosi ekipa vijilánsia iha Aeroportu la’o di’ak no halo tratamentu  ne’ebé hanesan ema hotu ho objetivu maka atu prevene COVID-19.

Jornalista : Tomé Amado

Editór       : Agapito dos Santos

HAKEREK NO HATÁN

Please enter your comment!
Please enter your name here