Sekretariu Estadu ba Protesaun Cívil, Alexandrino Xavier Araújo. Imajen Tatoli/ Egas Cristóvão

DILI, 25 marsu 2020 (TATOLI) – Sekretaria Estadu Protesaun Sivíl (SEPS), adia distribuisaun ajudu umanitáriu ba komunidade afetadu inundasaun sira tanba funsionáriu SEPS nian presiza ekipamentu protesaun hodi evita-an hosi COVID-19.

“Kona-ba distribuisaun ba komunidade afetadu, ami iha ona dadus kuaze komunidade 5.000 no husi númeru ne’e ami distribui ona ba 2.000 resin. Loloos ami kontinua maibé ami presiza ekipamentu protesaun ba funsionáriu sira ne’ebé ami sei kontratu ho Ministériu Saúde (MS) hodi bele ajuda ami”, informa Sekretáriu Estadu Protesaun Sivíl, Alexandrino Xavier de Araújo iha Sentru Konvensaun Dili (CCD, sigla portugés), kuarta ne’e.

Kominidade afetadu iha suku sira ne’ebé maka seidauk hetan ajudu umanitáriu mak hanesan suku Caicoli, Mascariña, no Becora.

“Ami presiza ekipamentu protesaun tanba COVID-19 labele afeta ba sé de’it, ne’ebé ami suspende provizóriu de’it bainhira ami iha ona ekipamentu seguransa maka kontinua halo distribuisaun”, dehan Alexandrino.

Governante ne’e konsidera, orsamentu ne’ebé utiliza hodi sosa sasán emerjénsia la sufisiente.

“Ami nia orsamentu limitadu loos, maibé ami agradese ba apoia voluntáriu hosi ajénsia nasionál no internasionál, no mós hosi emprezáriu nasionál inklui individu balun, maibé hosi parte Governu no desizaun hosi Primeiru-Ministru ami hakerek tiha ona karta ba Ministériu Finansa hodi husu orsamentu pur volta osan $60.000 atu sosa sasán emerjénsia sira ne’e hodi apoia ba komunidade afetadu”, nia adiata.

Jornalista: Antónia Gusmão

Editora: Julia Chatarina

HAKEREK NO HATÁN

Please enter your comment!
Please enter your name here