Sekretáriu Estadu Juventude no Desportu, Nélio Isaac. Foto Tatoli/António Gonçalves

DILI, 25 marsu 2020 (TATOLI)-Sekretáriu Estadu Juventude no Desportu, dadaun ne’e fó ona autorizasaun ba funsionáriu sira  iha área tékniku atu servisu de’it iha uma hodi prevene COVID-19.

Alende ne’e, SEJD fó mós feriadu ba funsionariu ho idade avansadu sira atu livre hosi servisu hodi hela de’it iha ida-idak nia uma.

“Ba funsionáriu sira seluk ami hanoin hela oinsá atu kontinua halo servisu iha Kantor, ha’u orienta ona ba Diretór sira hotu atu funsionáriu sira tenke uza hotu maskra, evita reuniaun, evita tuur besik malu,” Sekretáriu Estadu Juventude no Desportu (SEJD), Nelio Issac Sarmento, ba TATOLI, iha ninia servisu fatin Lecidere, tersa (24/03/2020).

Maske fó feriadu ba funsionáriu sira, Nelio informa funsionamentu servisu administrasaun la’o di’ak hodi fó atendementu ba públiku.

Nia dehan, atu kontribui hodi prevene COVID-19, SEJD mós kria ona fatin fase liman ba funsionáriu no seluk tan.

Jornalista : Hortencio Sanchez

Editór       : Agapito dos Santos

HAKEREK NO HATÁN

Please enter your comment!
Please enter your name here