Komandante Jerál PNTL, Komísariu Faustino da Costa. Imajen/Egas Cristovao

DILI, 25 marsu 2020 (TATOLI) – Komandu Polísia Nasionál Timor-Leste (PNTL) apela ba loja-sira no supermerkadu-sira kontinua fa’an sasán nesesidade báziku ho presu normal hodi labele afeta ba ekonomia Timor-Leste.

Notísia Relevante : AIFAESA-PNSIK Detein Komersiante Xinés Balun Tanba Fa’an Máskara Karun

Komandante Jerál PNTL, Komisáriu Faustino da Costa, informa, Komandu PNTL rasik simu ona orientasaun hosi Governu Timor-Leste hodi koordena ho AIFAESA (Autoridade de Inspeção e Fiscalização da Actividade Economica Sanitaria e Alimentar)  sei halo operasaun kontrola kualkér negosiante no empreza-boot sira atu labele hasa’e presu sasán iha situasaun emerjénsia ne’ebé Governu Timor-Leste luta hela prevene pandemia Cronavirus ka COVID-19.

“Hato’o mós ba públiku katak, Komandu PNTL simu no rejistu kazu balun tenta atu hamosu pániku hodi alarma informasaun ne’ebé laloos. Aproveita oportunidade ne’e, hato’o ba emprezáriu-sira hotu liu-liu iha kapitál Dili atu mantein prosesu sasán normaliza nafatin,” dehan Komisáriu Faustino da Costa, ba jornalista iha Kuartél Jerál PNTL Caicoli, Dili, kuarta (25/03/2020).

Nia hatutan, PNTL mós sei kontinua garante nafatin situasaun seguransa iha territóriu Timor-Leste.

Notísia Relevante : AIFAESA Hahú Halo Inspesaun ba Loja Dili Laran Hodi Kontrolu Folin Fós

Jornalista : Eugénio Pereira

Editór       : Francisco Simões

 

HAKEREK NO HATÁN

Please enter your comment!
Please enter your name here