Diretór Administrasaun Finansa no Lojístika, HNGV, Duarte Marçal Araújo. Imajen: Felicidade Ximenes

DILI, 25 marsu 2020 (TATOLI)-Diretór Administrasaun Finansa no Lojístika, Ospitál Nasionál Guido Valadares (HNGV-sigla portugés), Duarte Marcal Araújo, hateten atu garante funsiamentu servisu HNGV hodi fó tratamentu saúde ba pasiente presiza eletrisidade lakan durante oras  24 kada loron.

Kompañia M JOFERSI halo re-instala liña eletrisidade iha sítiu istóriku João Paulo II. Imajen TATOLI/Osória Marques

Nia hato’o preokupasaun  ne’e relasiona ho problema ahi mate iha HNGV ne’ebé akontese komesa segunda (23/03/2020) kalan to’o tersa (24/03/2020) tanba difikulta prosesu operasaun ba pasiente sira iha sala operasaun.

”Ahi mate bee mos maran tanba ne’e mak ami orienta hela sira iha lojístika haree uluk ahi depois ahi la’o makina bee iha HNGV la’o hotu tanba mákina ne’e mak forñese bee iha HNGV laran,”informa , Duarte Marcal de Araujo ba jornalista iha Ospitál Nasionál Bidau, tersa (24/03/2020).

HNGV iha jeradór boot ida maibé kapasidade lato’o atu forñese enerjia eletrisidade ba sala sira hotu bainhira eletrisidade mate.

Nia dehan problema ne’e, relata ona ba Vise Ministru ba Dezenvolvimentu Estratéjiku Saúde, Bonifácio Maucoli dos Reis, atu ko’alia ho Diresaun Eletrisidade Timor-Leste (EDTL) atu rezolve kestaun ne’e.

Entretantu, tuir observasaun Jornalista TATOLI nian, kuarta (25/03/2020) nota eletrisidade lakan normal  ona iha HNGV.

 Jornalista : Felicidade Ximenes

Editór        : Agapito dos Santos

HAKEREK NO HATÁN

Please enter your comment!
Please enter your name here