Primeiru-Ministru, Taur Matan Ruak, Prezide Reuniaun Konsellu Ministru Extraordinária iha Sentru Konvensaun Dili, segunda (23/03). Imajen Tatoli/Egas Cristovão

DILI, 25 marsu 2020 (TATOLI) – Governu liuhosi sorumutu Konsellu Ministru (KM), deside adia XII jogu Komunidade Nasaun Sira Lian Portugés (CPLP, sigla portugés) relasiona ho COVID-19.

Ministru Reforma Lejizlativa Asuntu Parlamentár, Fidelis Manuel Leite Magalhães, informa Sekretáriu Estadu Juventude no Desportu, Nélio Isaac Sarmento, aprezenta proposta delibersaun ida, ne’ebé mak hetan aprovasaun husi Konsellu Ministru, kona-ba  adiamentu ba realizasaun husi Jogu Desportivu CPLP, ne’ebé mak sei hala’o iha Timor-Leste entre loron 10 to’o 22 jullu 2020.

“Governu konsidera hanesan konjuntura internasionál ka situasaun internasionál, ne’ebé mak provoka husi propagasaun COVID-19, no hanesan ameasa ne’ebé reál ba saúde públika no situasaun ida-ne’e hanesan loloos situasaun sira ne’ebé mak agora dadaun akontese iha nível mundiál ka mundu tomak”, dehan Ministru Fidelis hafoin reuniaun ezekutivu iha Sentru Konvensaun Dili (CCD-sigla portugés), kuarta ne’e.

Governante ne’e esklarese, Governu rekomenda fali adiamentu ba realizasaun  Jogu CPLP ba loron posteriormente ne’ebé mak sei define no instrui husi Ministériu  Negósiu Estranjeiru no kooperasaun hodi bele hala’o komunikasaun nesesáriu hamutuk ho órgaun kompetente sira husi CPLP.

Jornalista: Antónia Gusmão

Editora: Julia Chatarina

HAKEREK NO HATÁN

Please enter your comment!
Please enter your name here