Embaixadór Austrália, Peter Roberts. Imajen/ Tatoli.

DILI, 25 marsu (TATOLI)-Governu Austrália promete ona sei apoiu tékniku no rekursu umanu ba Timor-Leste hodi prevene pandemia COVID-19, bainhira númeru kazu coronavirus aumenta iha rai-laran.

Embaixadór Austrália iha TL, Peter Roberts, hato’o kompromisu ne’e durante lansa projeitu konstrusaun sala laboratóriu  hodi teste COVID-19 iha HNGV Dili, kuarta (25/03/2020).

“Governu Austrália suporta Ministériu Saúde liuhusi área tékniku no mós suporta kapasidade hodi halo teste iha Timor-Leste bainhira kazu Covid-19 ne’e iha,” dehan Peter.

Notísia Relevante :Xina Prontu Apoiu TL Kombate Coronavirus

Nia dehan Austrália sei kontinua kolabora no suporta Ministériu Saúde ho Organizasaun Mundiál Saúde (OMS) ba prevene no kombate pandemia mundiál ne’e.

“Ami prontu atu servisu hamutuk ho Ministériu Saúde no OMS no mós doadór sira seluk ami suporta atu nune’e Timor -Leste bele responde di’ak ba COVID-19,” tenik tan.

Notísia Relevante :Governu Sei Foti Medida Rápida no Urjente Hasoru Coronavirus

Tuir esplikasaun diplomata ne’e katak, espesialista laboratóriu hosi  menzies school Austrália mós to’o ona iha Dili hodi apoiu Médiku sira iha Laboratóriu Nasionál HNGV  atu halo teste ba kazu Coronavirus.

Jornalista : Felicidade Ximenes

Editór        : Agapito dos Santos

HAKEREK NO HATÁN

Please enter your comment!
Please enter your name here