Imajen Espesiál

DILI, 25 marsu 2020 (TATOLI)–Arsebispu Metropolitana Dili no Pro-Prezidente CET, Dom Virgílio do Carmo da Silva, SDB, fó sai konvite hosi Papa Francisco hodi konvida sarani Katólika sira iha mundu tomak inklui sarani sira iha Timor-Leste, atu reza hamutuk Orasaun ekuménika “Ami Aman” dala ida ba pandemia Coronavirus (COVID-19 iha tuku 20:00 (kalan) Oras Timor-Leste. 

“Amu Papa Francisco konvida sarani sira husi mundu tomak, atu reza hamutuk Orasaun Ami Aman dala ida, ba pandemia Corona Virus, iha tuku 20:00 (kalan) loron 25 fulan marsu 2020,” dehan Arsebispu Metropolitana Dili no Pro-Prezidente CET, Dom Virgílio do Carmo da Silva, SDB , iha Sekretariadu Conferénsia Episcopál Timorense (CET) Rua 12 Novembru, Balide, Dili, Timor-Leste, horisehik.

Dom Virgílio esplika, orasaun ne’e hanesan sinál solidariedade, hamutuk ho sarani hotu-hotu iha mundu no harohan atu hakotu lalais pandemia ne’ebé invade mundu.

“Santu Padre sei reza iha Roma Itália ho oras lokál tuku 20:00 (meiu día) no iha Timor-Leste tuku 20.00 kalan. Husu ba ita hotu, karik ita halo ita-nia aatividade maibé to’o tuku 20:00 ita bele pauza uitoan, reza “Ami Aman” ida hodi reza ba Pandemia Coronavirus (COVId-19) ne’ebé agora daudaun ataka mundu tomak,” Dom Virgílio husu.

Relasiona ho Pandemia Coronavirus (COVID-19), Conferénsia Episcopál Timorense (CET) deside ona atu sarani sira akompaña misa paskál iha uma liuhosi rádiu no televizaun ne’ebé hahú vigora iha Tersa loron 24 fulan marsu 2020.

Notísia Relevante: CET Aprova “Orasaun Komuñaun Espirituál”

Jornalista : Cipriano Colo

Editór      : Cancio Ximenes

HAKEREK NO HATÁN

Please enter your comment!
Please enter your name here