Estudante sira Eskola Sekundária Katólika Nossa Senhora de Fátima (NOSSEF) Railaco tuir hela ezame. Imajen Tatoli/António Gonçalves

DILI, 24 marsu 2020 (TATOLI)-Diretór Jerál Polítika Planeamentu Parseria, Ministériu Edukasaun Juventude no Desportu, Antoninho Pires, informa tuir kalendáriu Nasionál iha fulan-abríl 2020 sei realiza ezame periódika dahuluk ba estudante Ensinu Báziku to’o Sekundáriu iha Territóriu Timor-Leste.

Tanba ne’e, atu fasilita estudante sira labele lakon matéria duranta loron feriadu, MEJD elabora dadaun matéria balun atu oinsá fó sai iha televizaun. Maibé nia parte seidauk deside fó sai iha Kanál TV ida ne’ebé.

 Notísia Relevante :Governu Deside Feriadu Extraordináriu ba Estudante Iha TL

“Ita lakohi labarik sira atu lakon sira-nia matéria ensinu no aprendizajen tanba kalendáriu ejame periódiku ba eskola pre-eskolár to’o sekundaria iha territóiu Timor-Laran sei realija iha fulan-abríl loron 13 tanba ne’e ita buka atu adapta,”dehan Nia ba TATOLI, iha ninia servisu fatin Villa-Verde, tersa (24/03/2020).

Governu mós sei buka mekanismu seluk, atu rezolve prosesu aprendizajen ba estudante sira bainhira Prezidente Repúblika dekreta situasaun emerjénsia relasiona ho prevensaun COVID-19.

 Notísia Relevante :MESSK Fó Feriadu ba Estudante Universidade

Iha loron domingo (22/03/2020), MEJD hasai ona desizaun hodi fó feriadu extraordinariu ba estudante sira durante semana ida hahú 23 to’o 28 fulan-marsu 2020 hodi hela iha uma.

Durante feriadu, Ministériu Edukasaun Juventude no Desportu kontinua halo monitorizasaun ba movimentu estudante sira hodi prevene infesaun COVID-19.

Jornalista : Tomé Amado

Editór       : Agapito dos Santos

HAKEREK NO HATÁN

Please enter your comment!
Please enter your name here