Eis Primeiru Ministru, Xanana Gusmao, rega hela desinfentante alkool iha aeroportu Nicolao Lobato Dili, 23 Marsu 2020. Imajen/Felicidade Ximenes

DILI, 24 marsu 2020 (TATOLI)—Eis Primeiru-Ministru no Atuál Prezidente Partidu CNRT, Kay Rala Xanana Gusmão, husu ba povu tomak atu labele pániku ho Coronavirus (COVID-19) maibé sente moras ruma tenke ba konsulta kedas iha sentru saúde ne’ebé besik.

“Maluk hotu-hotu kuidadu ho Coronavirus, lalika pániku. Karik imi balun sente kakorok katar no moras, inus-been, me’ar, isin-manas, favór ida ba konsulta kedas,” Xanana Gumão apela ba povu tomak liuhosi konferénsia imprensa iha Sede Partidu CNRT, Bairro dos Grilhos, Dili, tersa ne’e.

Eis Prezidente Repúblika ne’e husu ema hotu atu hadook-an hosi oan, fén, no família tanba moras ne’e perigu tebes.

Xanana Gusmão fó mensajen ne’e tanba ema barak iha rai-li’ur mate daudaun, liuliu iha nasaun Itália.

“Tanba ne’e ita hotu kuidadu nune’e labele fó todan ba saúde”, Xanana Gusmão fó hanoin ba povu tomak.

Notísia Relevante: Prevene COVID-19, Xanana Kontaktu Governu Xina Ajuda Ekipamentu ho Médiku

Jornalista : Evaristo Soares Martins

Editór       : Cancio Ximenes

HAKEREK NO HATÁN

Please enter your comment!
Please enter your name here