Eis Primeiru Ministru, Xanana Gusmao, rega hela desinfentante alkool iha aeroportu Nicolao Lobato Dili, 23 Marsu 2020. Imajen/Felicidade Ximenes

DILI, 24 marsu 2020 (TATOLI)-Funsionáriu hosi Servisu Autónomu Medikamentus Ekipamentus Saúde (SAMES), iha segunda (23/03/2020), rega ona ai-moruk dis-infetadu hodi prevene Coronavirus ka COVID-19 iha Aeroportu Internasionál Nicolau Lobato Comoro, Dili.

Eis Primeiru-Ministru, Xanana Gusmão no Vise Ministra Kuidadu Saúde Primária, Élia dos Reis Amaral partisipa iha atividade rega ai-moruk dis-infetadu iha Aeroportu Dili.

Diretór Ezekutivu SAMES, Santana Martins, informa, sira iha ekipa hamutuk 15 maka dadaun ne’e koloka hodi rega ai-moruk prevensaun COVID-19 iha terrenu.

“Ohin ami lori produtu sira ne’e mai halo asimulasaun no aprezenta para oinsá mak komponente  hotu-hotu iha Aeroportu  bele utiliza kontinua produtu sira ne’e,”informa Santana Martins, ba Jornalista sira iha Aeroportu, segunda (23/03/2020).

SAMES rekomenda ona ba instituisaun sira iha Aeroportu atu kontinua uza produtu ne’e bainhira simu pasajeiru sira tuun hosi aviaun no obrigatóriu tenke uza maskra ho objetivu atu halo prevensaun ba coronavirus.

Nia dehan, SAMES mós kontinua desimina informasaun ba públiku atu oinsá uza maskra, luvás, roupa protesaun no seluk tan.

Dadaun ne’e SAMES iha ona estoke ba luvás, roupa protesaun , maskra  hamutuk 750 maibé tuir planu sei sosa tan rihun 200-resin bainhira iha nesesidade.

Jornalista : Felicidade Ximenes

Editór       : Agapito dos Santos

HAKEREK NO HATÁN

Please enter your comment!
Please enter your name here