Prezidente Cruz Vermella Timor-Leste (CVTL), Madalena HanjamImajen/Horteçio Sanchez)

DILI, 23 marsu 2020 (TATOLI)-Voluntáriu 5000 hosi Kruz Vermella Timor-Leste (CVTL-sigla portugés) preparadu ona atu perkore iha Territóriu Timor-Leste hodi desimina informasaun ba komunidade atu oinsá halo prevensaun ba coronavirus.

Voluntáriu CVTL 5000 ne’e involve mós Doutór hamutuk ema na’in 40, enfermeiru hamutuk 200, Analista 30 no aliadu seluk tan ne’ebé dadaun ne’e konsentra iha CVTL hodi tulun Ministériu Saúde para desimina informasaun ba populasaun.

Prezidente CVTL, Madalena Hanjam, hateten Ministériu Saúde infrenta hela problema rekursu umanu atu desimina informasaun ba públiku liliu sira ne’ebé hela iha área rurál tanba ne’e CVTL prontu atu fó tulun.

”Kruz Vermella suporta ho ida ne’e no rekursu umanu husi CVTL preparadu atu mobiliza volutáriu  én jerál no voluntáriu profisionál sira,”katak, Madalena Hanjam ba Jornalista sira iha Aeroportu Comoro, Dili, segunda (23/03/2020).

Jornalista : Felicidade Ximenes

Editór       : Agapito dos Santos

HAKEREK NO HATÁN

Please enter your comment!
Please enter your name here