Xefe Bankada CNRT, Duarte Nunes. Imajen/Egas Cristovão

DILI, 24 marsu 2020 (TATOLI)—Xefe Bankada Parlamentár CNRT, Duarte Nunes hateten, Parlamentu Nasionál (PN) adia diskusaun no votasaun ba pedidu proposta alterasaun Lei Orsamentu no Jestaun Finanseira (LOJF) tanba reuniaun Konsellu Seguransa no Konsellu Estadu ho Xefe Estadu ne’ebé realiza iha  Palásiu Prezidensiál Bairru Pité, tersa (24/3/2020) ne’e.

“Tuir loloos hotu ona horisehik maibé ahi mate derrepente de’it. Ohin, la iha plenária tanba ajenda Prezidente Repúblika nian enkontru Konsellu-Seguransa no tuir mai Konsellu-Estadu. Tanba ne’e mak partisipasaun deputadu balun nia implikasaun ba votasaun iha plenária,” dehan Duarte Nunes ba jornalista sira iha Parlamentu Nasionál, tersa ne’e.

Tuir nia, Prezidente Parlamentu Nasionál deside ona diskusaun no aprovasaun ba proposta lei ba aban (kuarta, 25 marsu 2020) dadeersan.

Duarte dehan, pedidu proposta alterasaun sira hanesan presiza prezensa deputadu hotu-hotu tanba ne’e deside adia ba aban.

Pedidu ne’e ho karáter urjénsia ba Proposta Lei no.12/V (2a)-alterasaun datoluk lei no.13/2009, de 21 de outubru kona-ba Orsamentu no Jestaun Finanseira.

Horisehik, adia tanba ahi mate maibé ohin adia ba aban tanba PPN no deputadu balun partisipa reuniaun Konsellu Seguransa no Konsellu Estadu ho Xefe Estadu.

Notísia Relevante: KHUNTO Deklara Sei Vota Kontra LOJF, FRETILIN Apoia

Jornalista : Evaristo Soares Martins

Editór      : Cancio Ximenes

HAKEREK NO HATÁN

Please enter your comment!
Please enter your name here