Reitór UNPAZ eleitu, Adolmando Soares Amaral. Foto TATOLI/Tomé Amado

DILI, 23 marsu 2020 (TATOLI)-Rezultadu enkontru extraordináriu Universidade da Páz (UNPAZ), domingo (22/03/2020), deside ona hodi fó feriadu ba estudante sira tanba ne’e, sei oferese ezame ho métodu online liuhosi Facebook no Whatshapp.

Mágnifiku Reitór Universidade da Páz, Adolmando Amaral ba TATOLI, via telefone katak estudante sira ne’e hahú feriadu extraordináriu tuir desizaun governu nian durante semana ida.

Notísia Relevante :MESSK Fó Feriadu ba Estudante Universidade

“Ita haree ba situasaun Coronavirus ne’ebé espalla iha ita-nia rai laran, tan ne’e mak Senadu Universidade da Páz deside hahú dia 23 to’o 31 marsu, sei laiha atividade kampus durante Semana ida,”tenik Adolmando.

Notísia Relevante :Governu Deside Feriadu Extraordináriu ba Estudante Iha TL

Ba estudante sira ne’ebé antes ne’e la konsege tuir ezame husu atu kontaktu dosente orientadór matéria sira hodi hetan ezame via online durante feriadu.

Jornalista :Tomé Amado

Editór       : Agapito dos Santos

HAKEREK NO HATÁN

Please enter your comment!
Please enter your name here