Primeiru-Ministru, Taur Matan Ruak, Prezide Reuniaun Konsellu Ministru Extraordinária iha Sentru Konvensaun Dili, segunda (23/03). Imajen Tatoli/Egas Cristovão

DILI, 23 marsu 2020 (TATOLI) – Governu liuhosi reuniaun Konsellu Ministru (KM) estraordináriu, ohin, aprova ona rezolusaun hodi deside suspende vizita públiku ba prizaun.

Notísia Relevante : Governu Husu Tan Tulun Hosi Xina ba Prevene COVID-19

Ministru Reforma Lejizlativa no Asuntu Parlamentár, Fidelis Manuel Leite Mangalhães. Imajen/Egas Cristovão

Proposta rezolusaun ne’e aprezenta direita hosi Ministru Justisa (MJ), Manuel Cárceres, hodi evita lai movimentu família-sira vizita ba prizaun, hanesan Becora, Gleno no Suai.

Ministru Reforma Lejizlativa no Asuntu Parlamentár (MRLAP), Fidelis Leite Mangalhães, ba Jornalista hafoin enkontru KM iha Sentru Konvensaun Dili (CCD), informa, suspensaun ne’e hahú ona (entrada em vigór)  to’o ba periodu ne’ebé haree katak pandemia Coronavirus (COVID-19) la iha ona Timor-Leste.

Ministru Fidelis Leite Mangalhães hateten, proposta suspensaun ne’e atu labele lori pandemia COVID-19 ba prizioneiru sira no saúde públika.

Jornalista : Nelson de Sousa

Editór       : Francisco Simões

HAKEREK NO HATÁN

Please enter your comment!
Please enter your name here