Eis Primeiru Ministru Xanana Gusmao, Kualia ba jornalista sira hafoin observa fatin kuarentena iha Hotel Audian,Segunda 23 Marsu 2020.Imajen/Antonio Goncalves

DILI, 23 marsu 2020 (TATOLI)-Diretór Gabinete Polítika Kooperasaun Ministériu Saúde, Narcisio Fernandes hateten estabelesimentu Kuarentena ho ninia funsaun hodi observa saúde ema-nian bainhira fila hosi rai li’úr, no sira seidauk kona coronavirus ka COVID-19 tanba ne’e husu públiku labele diskrimina sira.

Nia hato’o apela ne’e relasiona ho asaun protesta hosi komunidade Suku Metiaút hasoru Timoroan no ema estranjeiru obrigatóriu tenke hela iha Otél Novo Horizonte durante loron 14.

Notísia Relevante :Ema Na’in 93 Tama Kuarentena iha Metiaút

“Ita nia maluk sira ne’e tama iha Kuarentena durante loron 14 sé laiha buat ida sira bele fila ona ba ida-idak nia uma, maibé iha loron 14 nia laran mak sira mear inus metin ita tenke foti sai kedan sira ba iha fatin izolamentu, nune’e mak kuarentena nia funsaun atu halo de’it observasaun,” dehan Diretór ne’e ba Jornalista sira iha domingo (22/03/2020)kalan.

Notísia Relevante :Evita COVID-19, Timoroan 79 Submete ba Kuarentena Provizóriu

Nia reforsa tan katak, kuarentena la’ós fatin hala’o tratamentu ba COVID-19 tanba ne’e públiku labele intende sala hodi hamosu konflitu, pasiente Coronavirus ne’e izola iha fatin izolamentu.

Notísia Relevante :Timoroan 12 Mai-husi Austrália Kuarentena iha Novo Horizonte

“Izolamentu ne’e bainhira teste laboratóriu mak deteta nia pozitivu ba COVID-19 mak foin lori nia ba tan iha fatin tratamentu, bainhira teste mak nia negativu konserteza fila-fali ba moras baibain, ida ne’e mak funsaun izolamentu ho Kuarentena lá hanesan,” nia esplika.

Notísia Relevante :Prevene COVID-19, Xanana Husu Povu “Hakmatek” Iha Uma

Dadaun ne’e Timoroan hamutuk 80-resin maka governu koloka iha Fatin Kuarentena Otél Audian Dili. Ema hirak ne’e maioria estudante ne’ebé antes ne’e estuda iha rai-liúr inklui sidadaun bain-bain.

Jornalista : Hortencio Sanchez

Editór       : Agapito dos Santos

HAKEREK NO HATÁN

Please enter your comment!
Please enter your name here