Ministru Negósiu Estranjeiru no Kooperasaun, Dionísio da Costa Babo Soares. Imajen/Egas Cristóvão

DILI, 22 marsu 2020 (TATOLI)-Ministru Negósiu Estranjeiru no Kooperasaun (MNEK), Dionísio Soares Babo, informa Governu husu tan ona apoiu ekipamentu prevensaun coronavirus ka COVID-19 hosi Xina ne’ebé tuir planu sei to’o ona iha Timor-Leste iha semana ida ne’e.

“Apoiu ne’ebé ita husu ba nasaun estranjeiru sira governu aprova tiha ona husi Konsellu Ministru (KM), pedidu ne’ebé mak ita prepara iha koordenasaun ona ho Embaixada Xina atu Maromak tulun iha semana ida ne’e nia laran bele to’o ona ita-nia rai, hodi previzaun ba mediu prazu nian,”dehan Babo ba Jornalista sira hafoin reuniaun Konsellu Ministru, iha Sentru Konvensaun Dili, (CCD-sigla portugés), segunda (23/03/2020).

Notísia Relevante :Prevene COVID-19, Xanana Kontaktu Governu Xina Ajuda Ekipamentu ho Médiku

Ekipamentu ne’ebé Xina sei apoiu tan hanesan ai-moruk item hamutuk lima, sanitazér, roupa protesaun ba médiku no seluk tan.

Hodi hein apoiu ne’ebé sei mai, Ministru Dionísio Soares Babo, kontinua apela ba populasaun atu koopera ho governu hodi prevene infesaun COVID-19.

Notísia Relevante :Xina Entrega Ekipamentu Prevensaun Coronavirus ba TL

“Agora ita iha hela faze intervensaun, entaun ita husu kooperasaun komunidade sira nian hamutuk ho governu atu kontra moras at ne’e,” nia apela.

Antes ne’e, Governu Xina liuhosi ninia Embaixada iha Dili fó ona apoiu ekipamentu prevensaun coronavirus hanesan thermoscan, roupa protesaun no seluk tan ba Ministériu Saúde.

Jornalista : Hortencio Sanchez

Editór       : Agapito dos Santos

HAKEREK NO HATÁN

Please enter your comment!
Please enter your name here