Primeiru-Ministru, Taur Matan Ruak, Prezide Reuniaun Konsellu Ministru Extraordinária iha Sentru Konvensaun Dili, segunda (23/03). Imajen Tatoli/Egas Cristovão

DILI, 23 marsu 2020 (TATOLI)-Governu liuhosi reuniaun Konsellu Ministru extraordináriu segunda (23/03/2020), aprova ona proposta orsamentu hosi fundu kontijénsia ho montante millaun $1.6 hodi apoiu eskola hamutuk sia ne’ebé afetadu inundasaun.

“Orsamentu $1.6 husi MEJD nian atu apoiu konstrusaun eskola sira ne’ebé hetan estragu husi Inundasaun dezastre naturál ne’e, ita hatama hamutuk iha pakote fundu Kontijénsia dezastre naturál nian,”dehan, Vise Ministru Administrasaun Estatál (MAE), Abílio José Caetano, ba TATOLI, hafoin reuniaun Konsellu Ministru extraordináriu iha Sentru Konvensaun Dili, (CCD-sigla portugés)segunda (23/03/2020).

Governante dehan, orsamentu ne’ebé relasaun ho konstrusaun infraestrutura, Ministériu Obra Públika (MOP)maka sei responsabiliza hodi ezekuta.

Eskola Sia ne’ebé maka foinlalais hetan estraga hosi inudasaun maka eskola Sekundária Públika 5 de Maiu Becora, Eskola Bázika Filiál Hera no seluk tan.

Iha sorin seluk, Ministru Obrá Públika, Salvador Eugenio Soares dos Reis Pires, hateten proposta orsamentu ne’ebé maka aprezenta hosi Ministériu Edukasaun Juventude no Desportu hetan ona aprovasaun hosi KM ohin.

Jornalista : Tomé Amado

Editór     : Agapito dos Santos

HAKEREK NO HATÁN

Please enter your comment!
Please enter your name here