Prezidente Parlamentu Nasionál, Arão Noe de Jesus da Costa Amaral. Imajen /Egas Cristóvão

DILI, 23 marsu 2020 (TATOL)—Parlamentu Nasionál adia diskusaun no debate ba pedidu kona-ba proposta alterasaun Lei Orsamentu no Jestaun Finanseira (LOJF) tanba ahi mate derrepente.

Ahi mate derrepente hahú hosi tuku 18:20 to’o 18:38. Ho situasaun ne’e Prezidente Parlamentu Nasionál deside adia debate ne’e ba aban (tersa, 24/3/2020) dadersan, tuku 09.00.

“Ha’u hakarak dehan katak ahi mate derrepente entaun ha’u deside kontinuasaun diskusaun no aprovasaun ba aban dadeersan,” dehan Prezidente Parlamentu Nasionál, Arão Noe, ba jornalista sira, hafoin sai hosi plenária, ohin.

Hafoin intervista hotu, ahi lakan fali maibé labele kontinua ona tanba deputadu sira fila ona. Prezidente Parlamentu Nasionál informa katak, parlamentu nasionál iha jeradór ida maibé oras ne’e la funsiona.

“Ita tenke vota iha rai loron nune’e deputadu sira bele vota vontade,” nia hateten.

Tuir informasaun ne’ebé Tatoli asesu hosi tékniku Parlamentu Nasionál katak, ahi mate mai hosi EDTL sentrál.

Jornalista : Evaristo Soares Martins

Editór      : Cancio Ximenes

1 KOMENTÁRIU

HAKEREK NO HATÁN

Please enter your comment!
Please enter your name here