Ministru Ensiñu Superiór, Siénsia no Kultura, Longuinhos dos Santos. Imajen Tatoli/Egas Cristóvão

DILI, 22 marsu 2020 (TATOLI)-Ministru Ensinu Superiór Siénsia no Kultura (MESSK), Longuinhos dos Santos, iha domingo (22/03/2020), hasai ona desizaun hodi fó mós feriadu ba estudante universidade.

Feriadu ne’e sei akontese durante semana ida hahú loron 23 fulan-marsu to’o loron 04 fulan abríl 2020 hodi evita infensaun Coronavirus iha Timor-Leste.

Governante informa, desizaun ne’e hodi kumpre mos rekomendasaun hosi Ministériu Saúde no Organizsaun Saúde Mundiál atu oinsá estudante sira bele prevene an hosi pandemia mundiál refere.

Notísia Relevante :Governu Deside Feriadu Extraordináriu ba Estudante Iha TL

“Medida ne’ebé posivel mak buka etratéjia foun ka metodolojia hodi asegura prosesu aprendizajen. Ha’u husu ba Institutu Ensinu Superiór hotu atu evita atividade halibur ema barak ka komunidade akadémiku sira hodi nune’e labele lori risku ba idak-idak nia an,”dehan Governante liuhosi komunikadu imprensa ne’ebé TATOLI, asesu ohin.

Governu sei halo avaliasaun ba desizaun ne’e iha semana oin baseia ba nesesidade ne’ebé dadaun ne’e akontese iha rai-laran.

Jornalista : Tomé Amado

Editór       : Agapito dos Santos

HAKEREK NO HATÁN

Please enter your comment!
Please enter your name here