Xefe Sentru Saúde Formoza II, Dulce Pinto Tilman

DILI, 22 marsu 2020 (TATOLI)-Xefe Sentru Saúde Vera Cruz, Dulce Pinto Tilman, informa dadaun ne’e sira prepara ona fatin izolamentu hodi izola pasiente coronavirus ka COVID-19.

Nia relata hahú sabadu (21/03/2020)nia parte muda provizóriu fasilidade saúde ne’ebé maka durante ne’e uza, bá rai iha Sentru Saúde Bairo Formosa Dili hodi fó espasu ba fatin izolamentu pasiente COVID-19.

Notísia Relevante :Governu Prepara Ona Fatin Tolu atu Antesipa Coronavirus

“Daudaun muda ona sasán bá Formoza ekipamentus báziku sira hanesan kama pasiente, armáriu no seluk tan ne’ebé mak iha Vera Cruz,”relata Dulce Pinto Tilman ba TATOLI, iha Vera Cruz, sabadu (21/03/2020).

Notísia Relevante :Timor-Leste Foin Deteta Kazu COVID-19 Ida

Iha sabadu ne’e, Pesoál Saúde sira mós koloka fali ekipamentu foun ba fatin izolamentu tanba tuir pedidu Ministériu Saúde sei uza fatin ne’e urjente.

“Atu agora tau pasiente ka seidauk tau pasiente mak ha’u la hatene tanba ne’e husi Ministériu Saúde nia servisu no ami-nia mak hanesan muda sasan ba formoza ne’e,”tenik tan.

Tuir observasaun Jornalista TATOLI nian iha sabadu findesemana ne’e nota Ministériu Saúde hahú mobiliza ona ekipamentu ba iha fatin izolamentu hanesan kontainer no seluk tan.

Notísia Relevante :MS Gasta ona Osan Rihun 498 ba Prevensaun COVID-19

Alende ne’e Polisia Nasionál Timor-Leste (PNTL), mós koloka ona membru sira hodi fó seguransa ba fatin refere. No taka ona dalan ba transporte públiku ne’ebé ultrapasa iha área Sentru Saúde Vera Cruz.

Jornalista : Felicidade Ximenes /Tome Amado

Editór       : Agapito dos Santos

HAKEREK NO HATÁN

Please enter your comment!
Please enter your name here