ONG internasional Koica, ajuda be mos ba komunidade afetadu inundasaun iha Taibesi, Kinta 19 Marsu2020.Imajen/Antonio Goncalves

Dili, 21 marsu 2020 (TATOLI)–Hafoin lalubur (inundasaun) iha sesta semana kotuk (13/03/2020) ne’ebe estraga estrada, ponte no halo kanu bee-nian tohar ka  kotu halo komunidade Lahane Osidental seidauk bele asesu bee-moos.

“To’o agora ami-nia komunidade husi  Lahane Osidental seidauk bele asesu bee-moos tanba kanu tohar no lakon hotu tanba kauza husi inundasaun,” dehan José Filipe Ximenes Smith ba Ajénsia TATOLI iha Sede Suku Lahane Osidental, Postu Administrativu Na’in Feto, Munisípiu Dili, ohin.

Entretantu, Xefe Suku Lahane Osidental, Francisco Ribeiro hateten, komunidade sira preokupa ba bee-moos tanba to’o agora sira labele asesu ba bee-moos hafoin inundasaun ne’e akontese.

“Ami presiza mak bee moos tanba ami-nia tanke boot bee nian haat ne’ebé durante ne’e kanaliza bee moos  ba ami-nia komunidade iha aldeia 11 ne’ebé mak mota lori hotu no kanu boboot sira mós lakon hotu,” nia informa.

Nia dehan foin lalais udan mai ne’e mak komunidade sira halibur (tamping) hamutuk mak uza de’it maibé lahatene ba oin halo oinsá Dala ruma sei susar liutan tanba laiha kanu no tanke boot ne’ebé mak tau bee hodi distribui.

Relasiona ho informasaun ne’ebé mak Diresaun Nasionál Metereolojia no Jeofísika, José Filipe Ximenes Smith husu ba komunidade sira liuliu estudante sira katak rai dokumentu eskola nian ho di’ak hodi antesipa ba akontesementu bainhira udan boot.

“Ha’u husu ba imi atu atensaun no kuidadu dokumentu eskola nian tanba esperiénsia liu bá ne’e fó hanoin mai ita tanba ne’e antesipa kedas bainhira udan boot,” nia husu.

Notísia Relevante: PN fó Apoiu ba Vítima Afetada Inundasaun iha Lahane Osidentál

Jornalista : Osória Marques

Editór      : Cancio Ximenes

HAKEREK NO HATÁN

Please enter your comment!
Please enter your name here