Núnsiu Apostóliku, Monseñor Marco Sprizzi. Imajen/António Gonçalves

DILI, 20 marsu 2020 (TATOLI)-Reprezentante Vatikanu iha Timor-Leste, Núnsiu Apostóliku, Monseñor Marco Sprizzi husu ba Governu Timor-Leste atu hasai desizaun ida hodi regula funsionamentu atividade relijiózu no sarani sira-nian liliu misa no atividade seluk tan tanba  sei halibur ema barak, no fasil hetan infesaun COVID-19.

Marco Sprizzi hato’o pedidu ne’e durante enkontru hamutuk ho Embaixadór sira ne’ebe lidera hosi Ministru Negósiu Estranjeiru no Kooperasaun (MNEK), Dionísio Soares Babo iha Edifísiu MNEK, Praia dos Coqeiros Dili, sesta (20/03/2020).

Nia dehan asuntu ne’e ko’alia ona ho Bispu Dioseze Dili, Baucau no Maliana maibé seidauk iha desizaun ida atu hapara atividade hirak ne’e tanba sei hein desizaun hosi Governu.

Hatan ba pedidu ne’e, Minstru Dionísio Soares Babo hateten, to’o ohin governu seidauk iha desizaun ida, maibé sei informa asuntu ne’e urjente ba Primeiru-Ministru, Taur Matan Ruak atu konsidera.

“Ha’u sei hato’o asuntu ne’e ba Primeiru-Ministru,”katak Ministru Negósiu Estranjeiru no Kooperasaun, Dionísio Soares Babo.

Jornalista : Agapito dos Santos

Editór         : Agapito dos Santos

HAKEREK NO HATÁN

Please enter your comment!
Please enter your name here