Diretóra Jerál Prestasaun Saúde Ministériu Saúde (MS), Odete da Silva Viegas. Imajen Egas Cristovão

DILI, 20 marsu 2020 (TATOLI)-Diretóra Prestasaun Saúde, Ministériu Saúde, Odete Viegas da Silva informa Ospitál Referál Baucau, sesta (20/03/2020), tenke evakua ona Juíz Timoroan ida hosi Baucau mai Dili tanba deskonfia hetan infesaun ba coronavirus.

Tuir informasaun ne’ebé relata hosi Ospitál Referál Baucau mai Nasionál katak, Timoroan ne’e servisu hanesan Juíz iha Tribunál Distritál Baucau ne’ebé antes ne’e tuir formasaun iha Portugal no fila mai Timor-Leste iha loron 12 fulan-marsu 2020.

Nia konta tuir katak suspeitu ne’e ho sintoma hanesan isin manas maka’as maibé seidauk identifika loloos nia kona ona COVID-19 ka lae?.

“Funsionariu Timor oan ne’e hamutuk na’in neen ne’ebé antes ne’e bá tuir formasaun Juís nian iha Portugal,”dehan Odete Viegas da Silva ba Jornalista sira iha Palasiu Sinzas Caicoli, Dili, sesta (20/03/2020).

Pesoál Saúde iha Baucau identifika suspeitu ne’e hafoin iha kinta kalan ne’e fó tratamentu saúde ba suspeitu tanba kondisaun isin manas maka’as no me’ár.

“Entaun Doutór sira fó konsulta funsionáriu ne’e isin manas maka’as no me’ár no doutór sira deside atu izola funsionáriu ne’e iha Baucau maibé nia rasik hakarak dezloka mai Dili,” tenik Odete.

Ekipa medíku iha Dili prepradu sei halo teste laboratóriu ba suspeitu ne’e bainhira to’o iha Dili, no husu ona atu izola an iha nia hela fatin hodi hein resultadu teste fó sai.

Maibé husu ba Timoroan atu labele pániku ho informasaun ne’ebé espalla iha públiku relasaun ho Timoroan balun kona ona Coronavirus.

Jornalista :Felicidade Ximenes

Editór     : Agapito dos Santos

1 KOMENTÁRIU

HAKEREK NO HATÁN

Please enter your comment!
Please enter your name here