Ministra Edukasaun, Juventude no Desportu Dulce de Jesus Soares.Imajen/Antonio Goncalves

DILI, 20 marsu 2020 (TATOLI) – Ministra Edukasaun, Juventude no Desportu, Dulce de Jesus Soares, hatete profesór portugés sira ne’ebé agora daudaun hala’o knaar iha eskola sira, liuliu munisípiu Baukau ho kondisaun saudável (saúde di’ak), la’ós hanesan informasaun ne’ebé partilla iha mídia sosiál dehan profesór portugés ida suspeitu ba coronavirus-19.

“Ha’u konfirma kedas koordenadór profesór CAFE (Centros de Aprendizagem e Formação Escolar) Baukau, Tiago Miguel, katak informasaun ida ne’e la-loos”, akresenta membru governu ne’e ba TATOLI liuhosi telefone, ohin.

Projetu CAFE ho objetivu hadia di’ak liutan sistema edukasaun no hanorin ba timoroan iha lian-portugés no mós reforsa formasaun ba maknorin nain-sira.

Benefisiáriu hosi projetu ne’e alunu siklu dahuluk no daruak iha ensinu báziku hamutuk 4.997 iha 2015, konta ho dosente portugés 93 no 34 profesór nasionál ne’ebé konklui ona sira-nian formasaun.

Ministra agora daudaun halo hela sensibilizasaun ba prevensaun moras Covid-19 iha nivel edukasaun munisipál sira.

Notísia Relevante:

Timoroan Ida Deskonfia Kona Coronavirus

Jornalista: Tome Amado

Editór : Agapito dos Santos

HAKEREK NO HATÁN

Please enter your comment!
Please enter your name here