Xefe Bankada Partidu Demokrátiku (PD), António da Conçeição ‘Kalohan'. Imajen/ Egas Cristovao.

DILI, 20 marsu 2020 (TATOLI)—Xefe Bankada Partidu Demokrátiku (PD), António da Conçeição ‘Kalohan’, konsidera proposta hosi Governu kona-ba alterasaun Lei Orsamentu no Jestaun Finanseira (LOGF-sigla portugés) la nesesáriu.

“Lei Orsamentu no Jestaun Finanseira ne’e lei estruturante, ne’ebé governu labele obriiga ami. Governu só bele ba husu de’it osan atu gasta ne’e maibé muda lei ami sei la muda tanba Governu ho status antara hidup dan mati (estatutu entre moris no mate). Tanba ne’e, ba ami la nesesiáriu,” dehan António da Conçeição ‘Kalohan’ ba jornalista sira hafoin tuir atividade diskusaun entre membru Parlamentu Nasionál ho sosiedade sivil ne’ebé International Republican Institute (IRI) realiza iha Salaun Tower Conference, Fatuhada, Dili, sesta ne’e.

Xefe Bankada PD ne’e argumenta, estatatu Governu nian ho demisioner tanba ne’e bankada PD sei apoia alterasaun datoluk ne’e.

Tuir nia, bainhira muda lei orsamentu no jestaun ne’e ligadu ba Orsamentu Jerál Estadu (OJE) ne’e la fásil atu halo alterasaun.

“Maske Governu husu altera atigu ida de’it maibé ami sei estuda. Nesesidade saida mak atu altera lei estruturante ne’e hodi garante de’it osan to’o fulan-outubru ne’e, ami la altera,” nian dehan.

Xefe Bankada PD ne’e hateten, kona-ba peddiu levantamentu atu finansia duodésimu ne’e nesesáriu maibé ba pedidu husu alterasaun ne’e la nesesáriu.

Notísia Relevante: Semana Oin, PN Debate Proposta Alterasaun Lei Orsamentu no Jestaun Finanseira

Jornalista : Evaristo Soares Martins

Editór      : Cancio Ximenes

HAKEREK NO HATÁN

Please enter your comment!
Please enter your name here