Nee mak kondisaun fasilidade eskola 5 de maiu, nebe hetan estragus waihira hetan inundasaun iha dia 13 Marsu udan akontese.Imajen/Antonio Goncalves

DILI, 20 marsu (TATOLI)-Xefe Gabinete Apoiu Tékniku hosi Eskola Sekundária 5 de Maiu Becora Crispina Amaral, informa relatóriu verifikasaun provizóriu nota inundasaun foinlalais estraga ekipamentu no edifísiu eskola públiku ne’e kuaze pursentu 85.

Nia dehan fasilidade  sira ne’ebé hetan ona estragu maka sala aprendizajen haat, meja no kadeira 50-resin, livru ba profesór sira no estudante hamutuk 100-resin.

Notísia Relevante:Inundasaun Estraga Eskola Tolu iha Dili

 

Profesora ida habai hela livru sira nebe bokon hafoin akontese inundasaun iha Eskola 5 de Maiu Becora Dili

“Dadus ne’e seidauk fiksu, tanba ita seidauk iha lista konkreta kona ba materiál  hira mak eskola ne’e lakon. Tanba sala biblióteka de’it ita foin mak loke horiseik, durante ne’e ita taka hela. Foin mak ita hatene iha livru 100 resin husi matéria Inglés, Biolojia, Portugués no Geolojia mak bee hoban no dodok sei iha lubuk ida mak seidauk identifika,”dehan nia ba Agência TATOLI,  iha Becora, kinta (19/03/2020).

Notísia Relevante:Prosesu Aprendizajen iha Eskola 5 Maiu Becora Paradu

Ko-naba karteira, nia esplika foin maka identifika hosi sala rua, maibé sala rua seluk sei iha prosesu verifikasaun.

“Ita sei la uja ona sala haat ne’e, maibé ita husu ba Ministériu atu apoiu fali sala haat foun ba Eskola Sekundária 5 de Maiu hodi garante prosesu ensinu  aprendizajen ba estudante sira. Estudante sira ne’ebé durante ne’e uza sala haat refere, parte eskola deside hamamuk ona sala biblióteka no sala ba profesór sira  inklui podium teatru nian atu estudante sira bele utliza,”tenik tan.

Notísia Relevante:MEJD Aprezenta Proposta Orsamentu Apoiu Eskola Afetadu

Sala haat ne’ebé hetan estragu hosi inundasaun iha posiblidade sei la uza tan iha futuru tanba kondisaun grave no sala edifísiu hirak ne’e konstrui hahú kedas tempu okupasaun Indonézia iha Timor-Leste.

Notísia Relevante:KM Seidauk Aprova Osan Millaun $ 1.6 ba Apoia Eskola 11

Jornalista : Tomé Amado

Editór       : Agapito dos Santos

HAKEREK NO HATÁN

Please enter your comment!
Please enter your name here