Estudante eskola 5 de maiu, kee fali sira nia kadeira nebe rai taka hafoin hetan inundasaun iha dia 13 Marsu wainhira udan boot akontese.Imajen/Antonio Goncalves

DILI, 20 marsu 2020 (TATOLI)-Ekipa Inventarizasaun hosi Eskola Portuguesa Dili, dadaun ne’e halo hela prosesu verifikasaun dadus kona-ba ekipamentu ne’ebé foin lalais hetan estragu hosi Inundasaun.

Diretór Eskola Portuguesa Dili, Acácio de Brito hateten tuir estimasaun provizóriu katak inundasaun foin lalais estragu ekipamentu ne’ebé suporta prosesu aprendizajen ba estudante no moru eskola kalkula ho osan pruvolta millaun $ 1.

Nia reforsa tuir estudu tékniku hosi kompaña ENSUL atu hadia fila-fali moru eskola sei gasta osan pruvolta rihun $ 300, seidauk konta ho fasilidade seluk tan.

“Ita lakon tan materiál sira no ekipamentu seluk hanesan kadeira, meza, livru, sasan iha dapur, komputadór 20 resin ho folin kada komputador besik $2000 resin. Materiál informátika inklui karreta lima to’o agora labele halo operasaun. Tanba Presiza kustu ne’ebé bo’ot ho folin besik rihun $15-resin,”dehan Nia ba TATOLI iha ninia servisu fatin Balide, sesta (20/03/2020).

Rezultadu verifikasaun maka sei justifika montante orsamentu ne’ebé eskola presiza. No ekipa mós sei haruka relatóriu ne’e ba Ministériu Edukasaun Portugal.

Hatan ba problema ne’e, Diretór Nasionál Asaun Sosiál Eskolár (DNASE), Ministériu Edukasaun Juventude no Desportu, Belchior Guerra hateten MEJD aprezenta ona proposta orsamentu pruvolta millaun $ 1.6 ba governu hodi responde estragu ne’ebé akontese iha eskola 10 inklui Eskola Portuguesa Dili.

“Maske ita simu ona informasaun husi dirijente EPD Rui Cinaty katak inundasaun ne’e lori ona sofrementu bo’ot ba eskola Internasional ne’e kuaze 1 miliaun. ita sei fo apoia ba sira maibe sei latuir totál despeza ne’ebé sira iha,” katak nia ba TATOLI, iha tersa (17/03/2020) iha Edifísiu Ministériu Administrasaun Estatál Dili

Jornalista : Tomé Amado

Editór     : Agapito dos Santos

HAKEREK NO HATÁN

Please enter your comment!
Please enter your name here