Ilustrasaun Ai-han. Imajen/Espesiál

DILI, 19 marsu 2020 (TATOLI) – Diretór Programa Alimentár Mundiál (WFP,sigla inglés),  Dangeng Liu, komprometidu organizasaun ne’e sei esforsu hodi fó apoiu Timor-Leste liuhosi meiu oin-oin, nune’e bele jere stock nasionál hodi responde ba situasaun emerjénsia sira bainhira Prezidente Replika dekreta Estadu Emerjénsia ba COVID-19.

Ekipa husi WFP hasoru malu ho Ministru Koordenadór Asuntu Ekonómiku no atuál Ministru Reforma Lejizlativa no Asuntu Parlamentár, Fidelis Manuel Leite Magalhães hodi ko’alia kona-ba stock ai-han nasionál.

“Ami-nia enktru ohin ho Ministru Fidelis ko’alia kona-ba oinsá  preparasaun Governu nian atu kolabora ho ami hodi haree ba ai-han sira ne’ebé Timor-Leste iha liuhosi  stock nasionál prepara bainhira hasoru situasaun emerjénsia sira hanesan COVID-19”, dehan Dangeng Liu ba Agência Tatoli, hafoin enkontru ho Ministru Fidelis iha Palásiu Governu, kinta ne’e.

Nia adianta husi parte WFP nian kontinua fó apoiu no hanoin ba Governu atubele halo jestaun ba alimentasaun stock nasionál.

“Ohin parte Governu liuhosi enkotru ne’e informa mai-ami katak stock nasionál sei sufiente no Governu rasik antes ne’e enkotru ona ho setór privadu sira no planeia atu importa tan fós husi rai-li’ur. Ida-ne’e maka mekanizmu Governu no ami prontu apoiu no halo monotorizasaun karik mosu situasaun emerjénsia tanba tuir ami-nia haree Timor-Leste iha ai-han sufiente atu responde ba nesesidade povu nian”, nia subliña.

WFP nia misaun iha Timor-Leste durante ne’e maka tulun Govenu liuhosi programa espesífiku ida kona-ba alimentasaun no foku ba má nutrisaun.

Jornalista: Natalino Costa

Editora: Julia Chatarina

HAKEREK NO HATÁN

Please enter your comment!
Please enter your name here