Primeiru-Ministru, Taur Matan Ruak. Imajen Tatoli/Egas Cristovao

DILI, 19 marsu 2020 (TATOLI)–Primeiru-Ministru, Taur Matan Ruak, garante katak oras ne’e daudaun governu iha hela fós tonelada rihun 48 atu bele sustenta an to’o fulan lima, bainhira estadu deside situasaun emerjénsia tanba Coronavirus ne’e. 

“Ita iha fós 48 mill toneladas, hodi bele auguenta durante fulan haat to’o fulan lima. Tanba ne’e ma bainhira iha nesesidade ne’ebé presiza, ita sei haree meius atu bele hatama. Ita la iha problema kona-ba fós,” dehan Primeiru-Ministru, Taur Matan Ruak,  (PM), ba jornalista sira hafoin hala’o enkontru semanál ho Prezidente Repúblika, Francisco Guterres “Lú Olo”, iha Palásiu Prezidensiál Bairru Pité, Dili, kinta ne’e.

Taur dehan, buat ne’ebé presiza halo maka tenke kontrola atu ema la bele manipula fós hirak ne’e, hodi hariku an iha situasaun difisil ida ne’e.

“Saida maka ita halo mak ita tenke kontrola atu nune’e oportunista sira labele aproveita situasaun hodi labele hariku an. Relasiona ho presu produtu sira-nian, ne’e mak ita tenke fó atensaun ba ida-ne’e. Restu ne’e, ha’u hanoin la iha preokupasaun,” Taur esplika.

Notísia Relevante: PM Taur Husu Empreza Sira Labele Manipula Folin Sasán

Jornalista : Cipriano Colo

Editór      : Cancio Ximenes

1 KOMENTÁRIU

HAKEREK NO HATÁN

Please enter your comment!
Please enter your name here