Ilustrasaun Coronavírus. Imajen/bncampinas.com

DILI, 19 marsu 2020 (TATOLI)-Sekretáriu Estadu Komunikasaun Sosiál (SECOMS-sigla portugés) servisu hamutuk ho Ministériu Saúde no Organizasaun Mundiál Saúde sei halo sensibilizasaun informasaun kona-ba prevensaun coronavirus ba komunidade iha Kapitál Dili.

Sekretáriu Estadu Komunikasaun Sosiál, Merício Akara, informa sensibilizasaun informasaun ne’e importante tanba komunidade maioria  seidauk asesu informasaun liuhosi televizaun, radiu no jornal sira kona-ba COVID-19.

Governante ne’e husu ba Xefe Suku no lideransa komunitária Bairo-pité atu koopera ho ekipa SEKOMS, MS ho OMS hodi implementa programa ne’e.

“Ba oin SECOMS hala’o nia kna’ar hodi tama sai suku no aldeia hodi esplika didi’ak kona-ba coronavirus,”dehan Akara hafoin  lansa karreta movél iha Sede Suku Bairo-Pité, kuarta (18/03/2020).

Diretóra Jerál Prestasaun Saúde, Odete Viegas da Silva hateten ho apoiu SECOMS sei tulun komunidade atu prevene an hosi pandemia mundiál.

Jornalista : Felicidade Ximenes

Editór       : Agapito dos Santos

HAKEREK NO HATÁN

Please enter your comment!
Please enter your name here